സ്വന്തം തട്ടകത്തില്‍ മും​ബൈ ഇ​ന്ത്യ​ന്‍​സിന് പരാജയം; രാജസ്ഥാന് മുന്നില്‍ കീഴടങ്ങി; നേരിടുന്നത് തുടര്‍ച്ചയായ മൂന്നാമത് തോല്‍വി

മും​ബൈ: ഇ​ന്ത്യ​ന്‍ പ്രീ​മി​യ​ര്‍ ലീ​ഗി​ല്‍ മും​ബൈ ഇ​ന്ത്യ​ന്‍​സിന് വന്‍ തിരിച്ചടി. സ്വന്തം തട്ടകത്തില്‍ ടീം പരാജയമടഞ്ഞു. രാ​ജ​സ്ഥാ​ന്‍ റോ​യ​ല്‍​സിനോടാണ് മുംബൈ പരാജയപ്പെട്ടത്. തു​ട​ർ​ച്ച​യാ​യ മൂ​ന്നാം മ​ത്സ​ര​ത്തി​ലാണ് മും​ബൈ തോല്‍വി അറിയുന്നത്.

ജ​യ​ത്തോ​ടെ ആ​റു പോ​യി​ന്‍റു​മാ​യി രാ​ജ​സ്ഥാ​ന്‍ പോ​യി​ന്‍റ് പ​ട്ടി​ക​യി​ൽ ഒന്നാമതായി. മുംബൈ ഒമ്പത് വിക്കറ്റിന് 125 റണ്‍സ് എടുത്തപ്പോള്‍ മറുപടി ബാറ്റിംഗിന് ഇറങ്ങിയ രാജസ്ഥാന്‍ 15.3 ഓവറില്‍ നാല് വിക്കറ്റ് നഷ്ടത്തില്‍ 127 റണ്‍സ് നേടി. ടോ​സ് നേ​ടി​യ രാ​ജ​സ്ഥാ​ന്‍ റോ​യ​ല്‍​സ് മുംബൈയെ ബാറ്റിംഗിന് അയച്ചു. രാ​ജ​സ്ഥാ​ന്‍ ബൗ​ള​ർ​മാ​ർ​ക്കു മു​ന്നി​ൽ പി​ടി​ച്ചു നി​ൽ​ക്കാ​ൻ ക​ഴി​യാ​തെ വ​ന്ന​തോ​ടെ മും​ബൈ​ ബാറ്റിംഗ് 125 റ​ൺ​സില്‍ അവസാനിച്ചു. മും​ബൈ ഉ​യ​ർ​ത്തി​യ 126 റ​ൺ​സ് വി​ജ​യ​ല​ക്ഷ്യം നാ​ല് വി​ക്ക​റ്റ് ന​ഷ്ട​ത്തി​ൽ രാ​ജ​സ്ഥാ​ൻ മ​റി​ക​ട​ന്നു.

റി​യാ​ൻ പ​രാ​ഗി​ന്‍റെ (54) മി​ക​ച്ച ഇ​ന്നിം​ഗ്സാ​ണ് രാ​ജ​സ്ഥാ​ന് തു​ണ​യാ​യ​ത്. സ​ഞ്ജു 12 റ​ൺ​സ് നേ​ടി. നാ​ല് താ​ര​ങ്ങ​ള്‍​ക്ക് മാ​ത്ര​മാ​ണ് മും​ബൈ നി​ര​യി​ല്‍ ര​ണ്ട​ക്കം ക​ട​ക്കാ​നാ​യ​ത്. 34 റ​ണ്‍​സെ​ടു​ത്ത ക്യാ​പ്റ്റ​ന്‍ ഹാ​ര്‍​ദ്ദി​ക് പാ​ണ്ഡ്യ​യാ​ണ് മും​ബൈ​യു​ടെ ടോ​പ് സ്കോ​റ​ര്‍. മൂ​ന്ന് വി​ക്ക​റ്റ് വീ​ത​മെ​ടു​ത്ത ട്രെ​ന്‍റ് ബോ​ള്‍​ട്ടും യു​സ്‌​വേ​ന്ദ്ര ചാ​ഹ​ലും രാ​ജ​സ്ഥാ​നാ​യി മി​ക​ച്ച പ്ര​ക​ട​നം പു​റ​ത്തെ​ടു​ത്തു. മും​ബൈ​ക്കാ​യി ആ​കാ​ശ് മ​ധ്‌​വാ​ള്‍ മൂ​ന്ന് വി​ക്ക​റ്റെ​ടു​ത്തു.