ഗാ​സ​യി​ൽ ഇ​സ്ര​യേ​ൽ വ്യോ​മാ​ക്രമണം; കര ആക്രമണവും ശക്തം; 39 മരണം

ഹമാസ് മേധാവി യഹ്യ സിന്‍വറിനെ വധിച്ചതിന് ശേഷവും ഇസ്രയേല്‍ ആക്രമണം തുടരുന്നു. ഗാ​സ​യി​ൽ ഇ​സ്ര​യേ​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ 33 പേ​ർ മ​രി​ച്ചു. മ​രി​ച്ച​വ​രി​ൽ 21 പേ​ർ സ്ത്രീ​ക​ളാ​ണ്. 85 പേ​ർ​ക്ക് പ​രു​ക്കേ​റ്റു.

വ​ട​ക്ക​ൻ ഗാ​സ​യി​ലു​ള്ള ജ​ബാ​ലി​യ​യി​ലാ​ണ് ഇ​സ്ര​യേ​ലി​ന്‍റെ വ്യോ​മാ​ക്ര​മ​ണം. വ്യോ​മാ​ക്ര​മ​ണ​ത്തി​ൽ നി​ര​വ​ധി വീ​ടു​ക​ളും കെ​ട്ടി​ട​ങ്ങ​ളും ത​ക​ർ​ന്നു. മ​ര​ണ​സം​ഖ്യ ഇ​നി​യും ഉ​യ​രാ​ൻ സാ​ധ്യ​ത​യു​ണ്ടെ​ന്നാ​ണ് റി​പ്പോ​ർ​ട്ട്. ഗാസയുടെ വടക്കൻ ഭാഗത്ത് ഇസ്രയേൽ സൈന്യം കര ആക്രമണം ശക്തമാക്കിയിട്ടുണ്ട്. ടാങ്കുകൾ ജബാലിയയില്‍ എത്തിയിട്ടുണ്ട്.

ഇസ്രയേൽ സൈന്യം ദിവസേന ഡസൻ കണക്കിന് കെട്ടിടങ്ങള്‍ ആണ് നശിപ്പിക്കുന്നത്. കെട്ടിടങ്ങളില്‍ ബോംബ്‌ സ്ഥാപിച്ച ശേഷം റിമോട്ട് ആയി സ്ഫോടനം നടത്തുകയാണ് ചെയ്യുന്നത്. ഗാസയിലെ എട്ട് അഭയാർത്ഥി ക്യാമ്പുകളിൽ ഏറ്റവും വലുതാണ് ജബാലിയ. തുടര്‍ച്ചയായി ഈ ക്യാമ്പ് ഇസ്രയേല്‍ ആക്രമിക്കുന്നുണ്ട്.