ജ​യ​സൂ​ര്യ​യു​ടെ മു​ന്‍​കൂ​ര്‍ ജാ​മ്യ​ഹ​ര്‍​ജി ഇ​ന്ന് പ​രി​ഗ​ണി​ക്കും; കേസ് കെട്ടിച്ചമച്ചതെന്ന് വാദം

ലൈം​ഗി​കാ​തി​ക്ര​മ​ക്കേ​സി​ല്‍ ന​ട​ന്‍ ജ​യ​സൂ​ര്യ​യു​ടെ മു​ന്‍​കൂ​ര്‍ ജാ​മ്യ​ഹ​ര്‍​ജി ഹൈ​ക്കോ​ട​തി ഇ​ന്ന് പ​രി​ഗ​ണി​ക്കും. ത​നി​ക്കെ​തി​രാ​യ കേ​സ് കെ​ട്ടി ച​മ​ച്ച​താ​ണെ​ന്നാ​ണ് നടന്റെ വാ​ദം. പീ​ഡ​നം ന​ട​ന്ന​താ​യി ആ​രോ​പി​ക്കു​ന്ന തി​യ​തി​ക​ളി​ല്‍ വൈ​രു​ധ്യ​മു​ണ്ടെ​ന്നും വിദേശത്ത് ആയതിനാൽ എഫ്ഐ ആർ നേരിട്ട് കണ്ടിട്ടില്ലെന്നും ജയസൂര്യ ഹർജിയിൽ പറഞ്ഞിരുന്നു.

യുഎസിലായിരുന്ന ജ​യ​സൂ​ര്യ ക​ഴി​ഞ്ഞ പ​തി​നെ​ട്ടാം തീ​യ​തിയാണ് കൊ​ച്ചി​യി​ല്‍ മ​ട​ങ്ങി​യെ​ത്തിയത്. സെക്രട്ടേറിയറ്റിലെ സി​നി​മാ​ചി​ത്രീ​ക​ര​ണ​ത്തി​നി​ടെ ലൈം​ഗി​കാ​തി​ക്ര​മം നടത്തി എന്ന ന​ടി​യു​ടെ പ​രാ​തി​യി​ലാ​ണ് കേ​സ്. സെക്ഷൻ 354,354 എ, 509 എന്നീ വകുപ്പുകൾ ചുമത്തിയിട്ടുണ്ട്. നടിയുടെ പരാതിയിൽ തിരുവനന്തപുരം കന്റോണ്‍മെന്റ് പോലീസാണ് കേസ് രജിസ്റ്റർ ചെയ്തിരിക്കുന്നത്.

ഹേമ കമ്മിറ്റി റിപ്പോര്‍ട്ട് വന്നതോടെയാണ് നടിമാര്‍ ലൈംഗിക പീഡന ആരോപണങ്ങളുമായി രംഗത്തുവന്നത്. ചിത്രീകരണത്തിനിടെ സെക്രട്ടേറിയറ്റ്‌ ഇടനാഴിയിൽവെച്ച് നടൻ കടന്നുപിടിച്ച് ചുംബിച്ചെന്ന് നടി മാധ്യമങ്ങൾക്കുമുന്നിൽ വെളിപ്പെടുത്തിയിരുന്നു. നിലവിൽ രണ്ട് പീഡനക്കേസുകളാണ് ജയസൂര്യയ്ക്ക് എതിരെയുള്ളത്.