ജസ്റ്റിസ് യശ്വന്ത് വര്‍മക്കെതിരെ നടപടി കടുപ്പിച്ച് സുപ്രീം കോടതി; ഡല്‍ഹിയില്‍ നിന്ന് അലഹബാദ് ഹൈക്കോടതിയിലേക്ക് സ്ഥലം മാറ്റും
ഔദ്യോഗിക വസതിയിലെ നോട്ടുകെട്ടുകള്‍ കണ്ടെത്തിയതില്‍ ഡല്‍ഹി ഹൈക്കോടതിയിലെ ജസ്റ്റിസ് യശ്വന്ത് വര്‍മയെ വിടാതെ സുപ്രീം കോടതി. യശ്വന്ത് വര്‍മയെ സ്ഥലം മാറ്റാന്‍ സുപ്രീം കോടതി കൊളീജിയം ശുപാര്‍ശ ചെയ്തു. ഡല്‍ഹി ഹൈക്കോടതിയില്‍ നിന്നും അലഹബാദ് ഹൈക്കോടതിയിലേക്ക് തിരിച്ചയക്കും. സുപ്രീം കോടതി ചീഫ് ജസ്റ്റിസ് ആരോപണങ്ങളില്‍ ആഭ്യന്തര അന്വേഷണം പ്രഖ്യാപിച്ചിരുന്നു. ഇതിനായി മൂന്നംഗ സമിതിയെ രൂപീകരിക്കുകയും ചെയ്തു. ഇതിനൊപ്പമാണ് സ്ഥലമാറ്റ ഉത്തരവും.
നടപടികള്‍ തീരുമാനിക്കാന്‍ രണ്ട് യോഗമാണ് സുപ്രീം കോടതി ചീഫ് ജസ്റ്റിസ് വിളിച്ചു ചേര്‍ത്തത്. മാര്‍ച്ച് 14 ന് വൈകുന്നേരമാണ് ജസ്റ്റിസിന്റെ ഔദ്യോഗിക വസതിയില്‍ തീപിടുത്തം ഉണ്ടായത്. ഈ സമയത്ത് ജസ്റ്റിസ് യശ്വന്ത് വര്‍മ വീട്ടില്‍ ഉണ്ടായിരുന്നില്ല. ഫയര്‍ഫോഴ്‌സ് എത്തി തീ അണയ്ക്കുന്നതിനിടെ കണക്കില്‍പ്പെടാത്ത പണം കണ്ടെത്തുകയായിരുന്നു. കത്തിനശിച്ച പണത്തിന്റെ വിഡിയോ ഡല്‍ഹി പൊലീസ് കമ്മിഷണര്‍ ഹൈക്കോടതി ചീഫ് ജസ്റ്റിസിന് കൈമാറി. ഈ വീഡിയോ സുപ്രീം കോടതി പുറത്തുവിട്ടിട്ടുണ്ട്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
