കക്കയത്ത് ഇന്നലെയും അടിക്കാടിന് തീപിടിച്ചു; മനപൂര്‍വമെന്ന് വനംവകുപ്പ്; തീയണക്കാന്‍ ശ്രമം തുടരുന്നു

കോഴിക്കോട്: കക്കയം കെഎസ്ഇബി പവർ ഹൗസിന് സമീപം തീപിടിത്തം. പവർഹൗസിന് ഏകദേശം 100 മീറ്ററോളം മാത്രം അകലെയാണ് തീപടർന്നത്. ഫയർഫോഴ്സും കെഎസ്ഇബി ഉദ്യോഗസ്ഥരും നാട്ടുകാരും തീയണക്കാൻ ശ്രമിച്ചുവരുകയാണ്. ഇന്നലെ മുതൽ 4 സർക്കാർ ഭൂമികളിലാണ് തീപിടിത്തം ഉണ്ടായത്.

അതേസമയം തീപിടുത്തത്തില്‍ സംശയം പ്രകടിപ്പിച്ച് വനംവകുപ്പ് വൃത്തങ്ങള്‍ രംഗത്തെത്തി. ഇത് കാട്ടുതീ അല്ലെന്നും തീയിടുന്നതാണെന്നുമാണ് വനംവകുപ്പ് വൃത്തങ്ങള്‍ മാധ്യമ സിന്‍ഡിക്കറ്റിനോട് വ്യക്തമാക്കിയത്.