കല്ലടിക്കോട് അപകടത്തില്‍ നടുങ്ങി പാലക്കാട്; മരിച്ച മൂന്ന് യുവാക്കളും ഉറ്റസുഹൃത്തുക്കള്‍

പാലക്കാടിനെ നടുക്കി കല്ലടിക്കോട് അപകടം. യുവാക്കള്‍ സഞ്ചരിച്ച കാറും ലോറിയുമാണ് കൂട്ടിയിടിച്ചത്. അപകടത്തില്‍ പൊലിഞ്ഞ വിഷ്ണുവും വിജേഷും രമേശും ഉറ്റസുഹൃത്തുക്കള്‍. ഇന്നലെ രാത്രി ഇവരെ നാട്ടുകാര്‍ കോങ്ങാട് ടൗണില്‍ ഒരുമിച്ച് കണ്ടിട്ടുണ്ട്. കാറിലുള്ള അഞ്ചുപേരും മരിച്ചിട്ടുണ്ട്.

ആരാണ് കാര്‍ ഓടിച്ചത് എന്ന് വ്യക്തമല്ല. രാത്രി യാത്രക്ക് ഇറങ്ങിയപ്പോഴാണ് ഇന്നലെ രാത്രി പതിനൊന്ന് മണിയോടെയാണ് അപകടമുണ്ടായത്. കരിമ്പുഴ സ്വദേശിയുടെതാണ് കാര്‍. യുവാക്കൾ വാടകയ്ക്ക് എടുത്തതാണ്. കല്ലടിക്കോട് തിരക്കേറിയ റോഡിലാണ് അപകടമുണ്ടായത്.

മണ്ണാർക്കാട്ടുനിന്ന് പാലക്കാട്ടെക്ക് വരുന്ന ലോറിയിലാണ് കാര്‍ ഇടിച്ചത്. സംഭവസമയത്ത് മഴയുമുണ്ടായിരുന്നു. നാട്ടുകാരാണ് രക്ഷാപ്രവര്‍ത്തനത്തിന് കുതിച്ചെത്തിയത്. കാര്‍ അമിത വേഗതയിലായിരുന്നു എന്നാണ് ദൃക്സാക്ഷികള്‍ പറഞ്ഞത്. കാറിന്റെ പകുതിയോളം ലോറിയിലേക്ക് ഇടിച്ചുകയറിയിട്ടുണ്ട്. നാട്ടുകാരും കല്ലടിക്കോട് പോലീസും ചേർന്ന് കാർ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.ലോറിഡ്രൈവറായ തമിഴ്‌നാട് സ്വദേശിക്കും പരുക്കുണ്ട്.