കരിവന്നൂരില്‍ സർക്കാർ നിലപാട് അപഹാസ്യമാകുന്നു; 125.84 കോ​ടിയുടെ സ്ഥാനത്ത് സഹകരണ വകുപ്പ് കണ്ടു കെട്ടിയത് വെറും 4449 രൂ​പ ​മാ​ത്രം

തൃ​ശൂ​ർ: കേ​ര​ള സ​ഹ​ക​ര​ണ​ ബാങ്ക് ച​രി​ത്ര​ത്തി​ലെ ഏ​റ്റ​വും വ​ലി​യ തട്ടിപ്പ് എന്ന് പ്രതിപക്ഷം ആരോപിക്കുന്ന കരുവന്നൂർ ബാങ്ക് തട്ടിപ്പ് കേസിൽ നാണംകെട്ട് സംസ്ഥാന സർക്കാർ. റവന്യൂ റി​ക്ക​വ​റി ന​ട​പ​ടി​ക​ൾ തീ​രു​മാ​നി​ച്ച ത​ട്ടി​പ്പു​കേ​സി​ൽ പ്രതി​ക​ളി​ൽ​നി​ന്ന് ഇ​തു​വ​രെ തി​രി​ച്ചു​പി​ടി​ച്ച​ത് 4449 രൂ​പ​മാ​ത്രം. ക​രു​വ​ന്നൂ​രി​ൽ ഇഡി 150 കോ​ടി രൂ​പ​യു​ടെ​യും ക്രൈം​ബ്രാ​ഞ്ച് 300 കോ​ടി​യോ​ളം രൂ​പ​യു​ടെ​യും ക്ര​മ​ക്കേട് കണ്ടെത്തിയപ്പോൾ അതിനെ തള്ളുന്ന നിലപാടാണ് സഹകരണ വകുപ്പ് തീരുമാനിച്ചത്. 125.84 കോ​ടി മാത്രമാണ് തട്ടിപ്പ് നടന്നത് എന്നാണ് സ​ഹ​ക​ര​ണ വ​കു​പ്പ് പറയുന്നത്. നിയമസഭയിൽ മന്ത്രി വിഎൻ വാസവനാണ് ഒരു ചോദ്യത്തിനുത്തരമായി തിരിച്ചുപിടിച്ച തുക വെളിപ്പെടുത്തിയത്. 25 പേരിൽനിന്നാണു 125.83 കോടി രൂപ ഈടാക്കേണ്ടത്.

മു​ൻ സെ​ക്ര​ട്ട​റി​യും മു​ൻ മാ​നേ​ജ​റും മു​ൻ അ​ക്കൗ​ണ്ട​ന്‍റു​മ​ട​ങ്ങു​ന്ന 5 ജീ​വ​ന​ക്കാ​രിൽ നിന്നും ഒപ്പം 20 മു​ൻ ഭ​ര​ണ​സ​മി​തി അം​ഗ​ങ്ങ​ളെ​യും പ്ര​തി​ക​ളാ​ക്കി ഇ​വ​രി​ൽ​നി​ന്ന് 125.84 കോ​ടി തി​രി​ച്ചു​പി​ടി​ക്കാ​നാ​യി​രു​ന്നു സ​ഹ​ക​ര​ണ വ​കു​പ്പ് തീരുമാനം. എന്നാൽ ഇ​തി​ൽ ഇരുപത്തിയഞ്ചാം പ്ര​തി​യാ​യ കെഎം മോ​ഹ​ന​നാ​ണ് തി​രി​ച്ച​ട​ക്കാ​ൻ നി​ർ​ദേ​ശി​ച്ച 4449 രൂ​പ അടച്ചത്. ക്ര​മ​ക്കേ​ട് ക​ണ്ടെ​ത്തി​യ​തി​നെ​ത്തു​ട​ർ​ന്ന് ബാ​ങ്കി​ലെ വ​ളം ഡി​പ്പോ​യി​ലെ ജീ​വ​ന​ക്കാ​ര​നാ​യി​രു​ന്ന മോഹനനെ ജോലിയിൽ നിന്നും പുറത്താക്കിയിരുന്നു.

റ​വ​ന്യൂ റി​ക്ക​വ​റി ന​ട​പ​ടി​ക​ളു​ടെ ഭാ​ഗ​മാ​യി ഓ​രോ​രു​ത്ത​രി​ൽ​നി​ന്നും ഈ​ടാ​ക്കേ​ണ്ട തു​ക​ക​ൾ സ​ഹ​ക​ര​ണ ജോയിൻ്റ് ര​ജി​സ്ട്രാ​ർ നേരത്തെ കണക്കാക്കി ന​ൽ​കി​യി​രു​ന്നു. ഉ​ദ്യോ​ഗ​സ്ഥ​രെ നി​യോ​ഗി​ച്ച് റ​വ​ന്യൂ റി​ക്ക​വ​റി ന​ട​പ​ടി​ക​ളി​ലേ​ക്ക് ജില്ലാ കളക്ട​ർ ക​ട​ന്നു​വെ​ങ്കി​ലും മാ​നേ​ജ​ർ ബി​ജു ക​രീ​മി​ന്‍റെ മാ​ത്രം പേ​രി​നു​മാ​ത്ര​മു​ള്ള വ​സ്തു​ക്ക​ളിലാണ് നിലവില്‍ ജ​പ്തി നടപടികൾ കൈകൊണ്ടിരിക്കുന്നത്.

ഇതിനിടയിൽ സഹകരണ ബാങ്ക് സെ​ക്ര​ട്ട​റി സു​നി​ൽ​കു​മാ​റി​ന് പി​ന്നാ​ലെ മ​റ്റു​ള്ള​വ​രും ഹൈ​ക്കോട​തി​യെ സ​മീ​പി​ച്ച് ജ​പ്തി​ക്ക് സ്റ്റേ ​വാ​ങ്ങി. 19 പേരാണു കോടതിയെ സമീപിച്ച് സ്റ്റേ വാങ്ങിയത്. എന്നാൽ സർക്കാരിൽ നൽകിയിട്ടുള്ള അപ്പീലിൽ തീർപ്പാകുന്നതുവരെ മാത്രമാണു റവന്യു റിക്കവറി നടപടി കോടതി തടഞ്ഞിട്ടുള്ളത്. അപ്പീലിൽ സമയബന്ധിതമായി തീർപ്പുണ്ടാക്കുമെന്നും നിയമസഭയിൽ മന്ത്രി വാസവന്‍ പറഞ്ഞിരുന്നു. റവന്യു റിക്കവറി റിപ്പോർട്ട് കൃത്യസമയത്തു സമർപ്പിക്കുന്നതിൽ ഉദ്യോഗസ്ഥർക്കു വീഴ്ച സംഭവിച്ചോ എന്നു പരിശോധിക്കുമെന്നും മന്ത്രി പറഞ്ഞു. എന്നാൽ ഒരു നടപടിയും ഇതുവരെ സർക്കാർ കൈക്കൊണ്ടിട്ടില്ല. എന്നാൽ പ​ണം തി​രി​ച്ചു​പി​ടി​ക്കേ​ണ്ട​വ​രു​ടെ പ​ട്ടി​ക​യി​ൽ​നി​ന്ന് ഇഡി അ​റ​സ്റ്റ് ചെ​യ്ത പിപി കി​ര​ണി​നെ​യും സൂ​പ്പ​ർ​മാ​ർ​ക്ക​റ്റി​ന്‍റെ ചു​മ​ത​ല​യു​ണ്ടാ​യി​രു​ന്ന റെ​ജി അ​നി​ലി​നെ​യും ഒ​ഴി​വാ​ക്കി​. അ​തേ​സ​മ​യം, ക്രൈം​ബ്രാ​ഞ്ച് റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ വി​ജി​ല​ൻ​സ് കോ​ട​തി ബി​ജു ക​രീം, ജി​ൽ​സ്, ബി​ജോ​യ്, റെ​ജി അ​നി​ൽ​കു​മാ​ർ എ​ന്നി​വ​രു​ടെ വാ​ഹ​ന​ങ്ങ​ളും ഭൂ​മി​യു​മ​ട​ക്കം ക​ണ്ടു​കെ​ട്ടാ​ൻ ഉ​ത്ത​രവിട്ടെങ്കിലും ഇ​തി​ന്‍റെ തു​ക സ​ർ​ക്കാ​റി​ലേ​ക്ക് വ​ര​വു​വെ​ച്ചി​ട്ടി​ല്ല എന്ന് മാത്രമല്ല ബാക്കി നടപടി ക്രമങ്ങളിലേക്ക് ഒരു ചെറുവിരൽ പോലും അനക്കിയിട്ടില്ല എന്നതാണ് യാഥാര്‍ത്ഥ്യം.