ഡിഎന്‍എ പരിശോധനക്ക് സാമ്പിളുകള്‍ ഇന്ന് ശേഖരിക്കും; അര്‍ജുന്റെ മൃതദേഹം കേരള സര്‍ക്കാര്‍ കോഴിക്കോട് എത്തിക്കും

കര്‍ണാടക ഷി​രൂ​ര്‍ ഗംഗാവലി പുഴയില്‍നിന്നും കണ്ടെടുത്ത അര്‍ജുന്‍റെ മൃതദേഹം നാ​ട്ടി​ല്‍ എ​ത്തി​ക്കാ​നു​ള്ള ന​ട​പ​ടി​ക​ള്‍​ക്ക് ഇ​ന്ന് തു​ട​ക്ക​മാ​കും. കുടുംബത്തിന്റെ ആവശ്യപ്രകാരം ഡി​എ​ൻ​എ പ​രി​ശോ​ധ​ന​യ്ക്കാ​യി സാം​പി​ളു​ക​ള്‍ ഇ​ന്നു​ത​ന്നെ ശേ​ഖ​രി​ക്കും. ഫ​ലം ര​ണ്ടു​ദി​വ​സ​ത്തിന് ഉള്ളില്‍ ല​ഭി​ക്കു​മെ​ന്നാ​ണ് പ്ര​തീ​ക്ഷ. എ​ത്ര​യും വേ​ഗം ന​ട​പ​ടി​ക​ള്‍ പൂ​ർ​ത്തീ​ക​രി​ക്കു​ക​ എന്നതാണ് ല​ക്ഷ്യ​മെ​ന്ന് ജി​ല്ലാ ഭ​ര​ണ​കൂ​ടം ഇ​ന്ന​ലെ​ത​ന്നെ വ്യ​ക്ത​മാ​ക്കി​യി​രു​ന്നു.

മണ്ണിടിച്ചിലില്‍ ലോറിക്കൊപ്പം കാണാതായ അര്‍ജുന്റെ മൃതദേഹം മൂന്നാംഘട്ട തിരച്ചിലിലാണ് ഇന്നലെ ഗംഗാവലി പുഴയില്‍ നിന്നും കണ്ടെടുത്തത്. ഡ്രഡ്ജർ ഉപയോഗിച്ച് നടത്തിയ തിരച്ചിലിലാണ് ലോറി കണ്ടെത്തിയത്. ലോറിയുടെ ക്യാബിനിലായിരുന്നു മൃതദേഹം. മൃതദേഹഭാഗം കോഴിക്കോട് എത്തിക്കാൻ ഉള്ള ഉത്തരവാദിത്തം കേരള സർക്കാർ ഏറ്റെടുക്കുമെന്ന് ഇന്നലെ കുടുംബാംഗങ്ങളെ തോട്ടത്തില്‍ രവീന്ദ്രന്‍ എംഎല്‍എ അറിയിച്ചിട്ടുണ്ട്. കാര്‍വാര്‍ മെഡിക്കല്‍ കോളജ് മോര്‍ച്ചറിയിലേക്കാണ് മൃതദേഹം മാറ്റിയത്.

അർജുൻ ഓടിച്ചിരുന്ന ലോറി 72–ാം ദിവസമായ ഇന്നലെ ഉച്ചയ്ക്കാണ് കണ്ടെത്തിയത്. കരയിലേക്ക് കയറ്റിയിട്ടുണ്ട്.ഡ്രഡ്ജർ ഉപയോഗിച്ച് ഗംഗാവലിപ്പുഴയിൽ തിരച്ചിൽ നടക്കുകയായിരുന്നു. ജൂലൈ പതിനാറിനാണ് മണ്ണിടിച്ചിലിനെ തുടർന്ന് അർജുനെ കാണാതായത്.