കാണാതായ സ്ത്രീയെ കൊന്നു കുഴിച്ചുമൂടി; ആണ്‍ സുഹൃത്ത് കസ്റ്റഡിയില്‍

കരുനാഗപ്പള്ളിയില്‍ നിന്നും കാണാതായ സ്ത്രീയെ കൊന്നു കുഴിച്ചുമൂടിയെന്ന വിവരം പുറത്ത്. ഇതുമായി ബന്ധപ്പെട്ട് അമ്പലപ്പുഴ കരൂരില്‍ കരുനാഗപ്പള്ളി പോലീസ് തിരച്ചില്‍ നടത്തുകയാണ്. സംഭവത്തില്‍ സ്ത്രീയുമായി അടുപ്പമുണ്ടായിരുന്ന ആളെ പോലീസ് കസ്റ്റഡിയിലെടുത്തു. കരൂര്‍ സ്വദേശി ജയചന്ദ്രനാണ് കസ്റ്റഡിയില്‍ ഉള്ളത്.

ഈ മാസം ആറിനാണ് വിജയലക്ഷ്മിയെ കാണാതാകുന്നത്. ബന്ധുവാണ് പോലീസില്‍ പരാതി നല്‍കിയത്. ഇവരുടെ ഫോണ്‍ സ്വിച്ച് ഓഫ് ആക്കിയ നിലയില്‍ എറണാകുളം കെഎസ്ആര്‍ടിസി ബസില്‍ നിന്നും പോലീസിന് ലഭിച്ചിരുന്നു. ഫോണ്‍ ജയലക്ഷ്മിയുടേത് ആണെന്ന് പോലീസിന് മനസിലായി. ഈ വിവരം കരുനാഗപ്പള്ളി പോലീസിനു കൈമാറിയിരുന്നു.

ഈ അന്വേഷണത്തിലാണ് ആണ്‍ സുഹൃത്തിനെ കുറിച്ച് വിവരം ലഭിക്കുന്നത്. ഇയാളെ ചോദ്യം ചെയ്തപ്പോഴാണ് കൊലപാതക വിവരം പുറത്തുവന്നത്. ജയലക്ഷ്മിക്ക് മറ്റാരുമായോ ബന്ധമുണ്ടെന്നു ജയചന്ദ്രന് സംശയം തോന്നി. ഇതിനിടയിലുള്ള വഴക്കിലാണ് ജയലക്ഷ്മിയെ കൊല്ലുന്നത്. കൊന്ന് കുഴിച്ചുമൂടി എന്നാണ് പോലീസിനു മൊഴി നല്‍കിയത്. അമ്പലപ്പുഴ കരൂരില്‍ നിര്‍മ്മാണം നടക്കുന്ന വീട്ടില്‍ കുഴിച്ചുമൂടി എന്നാണ് പറഞ്ഞത്. ഈ സ്ഥലത്താണ് പോലീസ് പരിശോധന നടത്തുന്നത്.