പാര്‍ട്ടി അക്കൗണ്ടിലെ വന്‍തുക തൃശൂര്‍ ജില്ലാ സെക്രട്ടറി പിന്‍വലിച്ചു; തുക റിട്ടേണിൽ രേഖപ്പെടുത്തിയില്ല; വർ​ഗീ​സി​നെ ആ​ദാ​യ​നി​കു​തി​ ​വ​കു​പ്പും ചോ​ദ്യം​ ​ചെ​യ്തു

കൊ​ച്ചി​:​ ​കരുവന്നൂരിലെ കള്ളപ്പണം വെളുപ്പിക്കല്‍ കേസില്‍ സിപിഎം​ ​തൃ​ശൂ​ർ​ ​ജി​ല്ലാ​ ​സെ​ക്ര​ട്ട​റി​ ​എം.​എം.​ ​വ​ർ​ഗീ​സി​നെ ആ​ദാ​യ​നി​കു​തി​ ​വ​കു​പ്പും​ ​ ഇന്നലെ ചോ​ദ്യം​ ​ചെ​യ്തു. ​ ​എ​ൻ​ഫോ​ഴ്‌​സ്മെ​ന്റ് ​ഡ​യ​റ​ക്ട​റേറ്റിന്‍റെ ചോദ്യം ചെയ്യലിന് പിന്നാലെയാണ് ആ​ദാ​യ​നി​കു​തി​ ​വ​കു​പ്പ് നടപടി. ദേശസാത്കൃത ബാങ്കിന്റെ തൃശൂരിലെ ശാഖയിൽ നിന്ന് വൻതുക പിൻവലിച്ചതുമായി ബന്ധപ്പെട്ടാണ് ആദായനികുതി വകുപ്പിന്റെ ചോദ്യംചെയ്യൽ.

പിൻവലിച്ച തുക സിപിഎമ്മിന്റെ അക്കൗണ്ടിൽ നിന്നാണെന്ന് പരിശോധനയിൽ കണ്ടെത്തിയിരുന്നു. പാർട്ടി നൽകിയ റിട്ടേണിൽ ഈ ഇടപാട് രേഖപ്പെടുത്തിയിട്ടില്ല. രാത്രി വൈകിയും വര്‍ഗീസിന്റെ ചോദ്യം ചെയ്യല്‍ തുടര്‍ന്നു. നാലാം തവണയാണ് വർഗീസിനെ ഇഡി ചോദ്യം ചെയ്യുന്നത്.

സിപിഎം​ ​ജി​ല്ലാ​ ​സെ​ക്ര​ട്ടേ​റി​യ​റ്റ് ​അം​ഗ​വും​ ​കൗ​ൺ​സി​ല​റു​മാ​യ​ ​പി.​കെ.​ ഷാ​ജ​നെ​യും​ ​ഇഡി​ ​ഇ​ന്ന​ലെ​ ​ചോ​ദ്യം​ ​ചെ​യ്തു.​ ​ ഷാജനെ രാത്രി​ പത്തോടെ വി​ട്ടയച്ചു. കരുവന്നൂർ തട്ടിപ്പ് അന്വേഷിച്ച സിപിഎം ജില്ലാ കമ്മിറ്റിയുടെ കമ്മിഷനിൽ അംഗമായിരുന്നു ഷാജൻ. കമ്മിഷൻ അംഗമായിരുന്ന മുൻ എം.പി പി.കെ.ബിജുവിനെ വ്യാഴാഴ്ച ഇഡി ചോദ്യം ചെയ്തിരുന്നു. തിങ്കളാഴ്ച വീണ്ടും ഹാജരാകാൻ ബിജുവിന് നോട്ടീസ് നൽകിയിട്ടുമുണ്ട്.