ബ്രിട്ടനില്‍ ലേബര്‍ പാര്‍ട്ടി മുന്നേറ്റം; ക​ൺ​സ​ർ​വേ​റ്റീ​വ് ഭരണത്തിന് അവസാനമാകുമെന്ന് സൂചന

ബ്രി​ട്ടീഷ് തിരഞ്ഞെടുപ്പില്‍ ആ​ദ്യ​ഫ​ല സൂ​ച​ന​ക​ൾ പ്ര​കാ​രം പ്രധാന പ്രതിപക്ഷമായ ലേ​ബ​ർ പാ​ർ​ട്ടി മുന്നേറുന്നു. 650 സീ​റ്റു​ക​ളു​ള്ള പാ​ർ​ല​മെ​ന്‍റി​ൽ ലേ​ബ​ർ പാ​ർ​ട്ടി 410 സീ​റ്റു​ക​ൾ നേ​ടു​മെ​ന്നാണ് എ​ക്സി​റ്റ്പോള്‍ പ്ര​വ​ച​നം. 14 വ​ർ​ഷ​ത്തെ ക​ൺ​സ​ർ​വേ​റ്റി​വ് പാ​ർ​ട്ടി ഭ​ര​ണ​ത്തി​ന് അ​ന്ത്യം കു​റി​ക്കു​മെ​ന്നാ​ണ് അ​ഭി​പ്രാ​യ വോ​ട്ടെ​ടു​പ്പ് പ്ര​വ​ചി​ക്കു​ന്ന​ത്. നിലവിലെ പ്രധാനമന്ത്രി ഋ​ഷി സു​ന​കി​ന്‍റെ പാ​ർ​ട്ടി വ​ൻ തോ​ൽ​വി നേ​രി​ടു​മെ​ന്നാണ് സൂചനകള്‍.

ലേ​ബ‍​ർ പാ​ർ​ട്ടി 484 സീ​റ്റ് നേ​ടു​മെ​ന്ന് പ്രവചനമുണ്ട്. 1997ൽ ​ടോ​ണി ബ്ല​യ​റിന്റെ കീഴിലുള്ള ലേബര്‍ പാര്‍ട്ടി 418 സീ​റ്റാ​ണ് സ്വ​ന്ത​മാ​ക്കി​യ​ത്. ഇ​തി​ലും വ​ലി​യ വി​ജ​യ​മാ​ണ് പ്രധാനമന്ത്രി ആകുമെന്ന് കരുതുന്ന സ്റ്റാ​മ​റി​നെ കാ​ത്തി​രി​ക്കു​ന്ന​തെ​ന്നാ​ണ് റി​പ്പോ​ർ​ട്ട്. ക​ൺ​സ​ർ​വേ​റ്റീ​വ് പാ‍​ർ​ട്ടി​ വന്‍ പരാജയത്തിലേക്ക് കൂപ്പുകുത്തുമെന്നാണ് സൂചന.