ചി​ല​വു​ക​ൾ​ക്കുള്ള നി​യ​ന്ത്ര​ണം 1 വ​ർ​ഷം കൂ​ടി നീട്ടി;സഹകരണ കുടിശിക പിരിക്കാനും തിരക്കിട്ട നീക്കം

തിരുവനന്തപുരം: സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​യ​തോ​ടെ ചി​ല​വു​ക​ൾ​ക്ക് ഏ​ർ​പ്പെ​ടു​ത്തി​യ നി​യ​ന്ത്ര​ണം ഒ​രു വ​ർ​ഷം കൂ​ടി നീ​ട്ടി. ധ​ന​വ​കു​പ്പ് ഇ​ത് സം​ബ​ന്ധി​ച്ച് ഉ​ത്ത​ര​വി​റ​ക്കി. ധ​ന​കാ​ര്യ പ്രി​ൻ​സി​പ്പ​ൽ സെ​ക്ര​ട്ട​റി ര​ബീ​ന്ദ്ര​കു​മാ​ർ അ​ഗ​ർ​വാ​ളാ​ണ് ഉ​ത്ത​ര​വി​റ​ക്കി​യ​ത്. സ​ർ​ക്കാ​ർ കെ​ട്ടി​ട​ങ്ങ​ളു​ടെ മോ​ടി​പി​ടി​പ്പി​ക്ക​ൽ, ഫ​ർ​ണി​ച്ച​ർ വാ​ങ്ങ​ൽ, വാ​ഹ​നം വാ​ങ്ങ​ൽ എ​ന്നി​വ​യ്ക്ക് ഏ​ർ​പ്പെ​ടു​ത്തി​യ നി​യ​ന്ത്ര​ണം നീ​ട്ടി​യെ​ന്നും ഉ​ത്ത​ര​വി​ലു​ണ്ട്. സ​ർ​വ​ക​ലാ​ശാ​ല, പി​എ​സ്‌​സി എ​ന്നി​വ​യ്ക്കും നി​യ​ന്ത്ര​ണ​ങ്ങ​ൾ ബാ​ധ​ക​മാ​ണ്.നി​ല​വി​ലെ സ്ഥി​തി​യി​ൽ ചെ​ല​വു​ക​ൾ നി​യ​ന്ത്രി​ക്കേ​ണ്ട​ത് അ​നി​വാ​ര്യ​മാ​ണെ​ന്നും ധ​ന​വ​കു​പ്പ് വ്യ​ക്ത​മാ​ക്കു​ന്നു.

അതേസമയം കൊടുത്ത് തീര്‍ക്കാനുള്ള കുടിശിക എങ്ങനെ നല്‍കാന്‍ കഴിയുമെന്നറിയാതെ വിഷമിക്കുകയാണ് സര്‍ക്കാര്‍. വൈദ്യുതി, വെള്ളം ചാര്‍ജുകള്‍ കൂട്ടിക്കഴിഞ്ഞു. നികുതി സ്രോതസ്സുകളിൽനിന്നുള്ള വരുമാനം പൂർണമായും എടുത്തുകഴിഞ്ഞാലും കുടിശ്ശികകൾ അടയ്ക്കാന്‍ കഴിയാത്ത അവസ്ഥയിലാണ്. 50,000 കോടിയിലേറെ രൂപയാണ് കുടിശികയായി നിലവിലുള്ളത്.

സഹകരണ സംഘങ്ങള്‍ക്ക് നേരെയും സര്‍ക്കാര്‍ വടിയെടുക്കുകയാണ്. സഹകരണ സംഘങ്ങള്‍ നല്‍കാനുള്ള പണം പിരിക്കാന്‍ നവംബർ 15 മുതൽ ഡിസംബർ 15 വരെ പ്രത്യേക കാമ്പയിൻ നടത്താനാണ് സഹകരണവകുപ്പ് തീരുമാനം. നോട്ടീസ് നൽകിയിട്ടും കുടിശ്ശിക നൽകാത്ത സംഘങ്ങൾക്കുമേൽ ജപ്തിനടപടി സ്വീകരിക്കാനാണ് നിർദേശം. ഓഹരി, വായ്പ, ഗാരന്റി കമ്മിഷൻ, സർക്കാരിന് നൽകേണ്ട ഫീസിനങ്ങൾ എന്നിവയെല്ലാമായി കോടികളുടെ കുടിശികയുണ്ടെന്നാണ് കണക്കാക്കുന്നത്. 2009 മുതൽ നടക്കാത്ത കുടിശിക പിരിവാണ് ഊര്‍ജ്ജിതമായി നടത്താന്‍ പോകുന്നത്.