കള്ളക്കടല്‍ വീണ്ടും എത്തിയേക്കും; ഞായറാഴ്ച പുലര്‍ച്ചെ ഉയര്‍ന്ന തിരമാലകള്‍ക്ക് സാധ്യത; കേരള തീരത്ത് ജാഗ്രതയ്ക്ക് നിര്‍ദേശം

തി​രു​വ​ന​ന്ത​പു​രം: കേ​ര​ള തീ​ര​ത്ത് നാശം വിതച്ച കള്ളക്കടല്‍ പ്രതിഭാസത്തിന് വീണ്ടും സാധ്യത. കേരളത്തിന് ഒപ്പം തെ​ക്ക​ൻ ത​മി​ഴ്‌​നാ​ട്, വ​ട​ക്ക​ൻ ത​മി​ഴ്‌​നാ​ട് തീ​ര​ങ്ങ​ളി​ലും ക​ട​ലാ​ക്ര​മ​ണ​ത്തി​ന് സാ​ധ്യ​ത​യു​ണ്ടെ​ന്നാണ് ദേ​ശീ​യ സ​മു​ദ്ര​സ്ഥി​തി പ​ഠ​ന ഗ​വേ​ഷ​ണ കേ​ന്ദ്രത്തിന്റെ മു​ന്ന​റി​യി​പ്പ്.

ഞാ​യ​റാ​ഴ്ച പു​ല​ർ​ച്ചെ 02.30 മു​ത​ൽ രാ​ത്രി 11.30 വ​രെ 0.5 മു​ത​ൽ 1.5 മീ​റ്റ​ർ വ​രെ ഉ​യ​ർ​ന്ന തി​ര​മാ​ല​യ്ക്കും ക​ട​ലാ​ക്ര​മ​ണ​ത്തി​നും സാ​ധ്യ​ത ഉ​ണ്ടെ​ന്നാ​ണ് മു​ന്ന​റി​യി​പ്പ്. ക​ട​ലാ​ക്ര​മ​ണ​ത്തി​ന് സാ​ധ്യ​ത​യു​ള്ള​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ളും തീ​ര​ദേ​ശ​വാ​സി​ക​ളും ജാ​ഗ്ര​ത പാ​ലി​ക്ക​ണ​മെ​ന്നും നി​ർ​ദേ​ശ​മു​ണ്ട്.

അപ്രതീക്ഷിതമായുണ്ടാകുന്ന വേലിയേറ്റമാണ് കള്ളക്കടൽ. കാറ്റിന് അനുസരിച്ചോ സൂര്യന്‍റെയും ചന്ദ്രന്‍റെയും ഗുരുത്വാകർഷണ ഫലമായോ ആണ് വേലിയേറ്റം ഉണ്ടാകുന്നത്. അങ്ങനെ അല്ലാതെ ഉണ്ടാകുന്ന വേലിയേറ്റമാണ് കള്ളക്കടൽ. ലക്ഷണങ്ങളില്ലാതെ പെട്ടെന്ന് തിരമാലകള്‍ ആഞ്ഞടിക്കും. അവിചാരിതമായും അസാധാരണവുമായാണ് തിരമാലകള്‍ ആഞ്ഞടിക്കുക.