ആറു കൊല്ലത്തിന് ശേഷം കേരളം രഞ്ജിയിൽ ആ നേട്ടം സ്വന്തമാക്കി; വമ്പൻ ജയവുമായി ക്വാർട്ടര്‍ ഉറപ്പിച്ചു

രഞ്ജി ട്രോഫി ക്രിക്കറ്റില്‍ ക്വാർട്ടർ ഉറപ്പിച്ച് കേരളം. ആറ് വർഷത്തെ ഇടവേളയ്ക്കു ശേഷമാണ് ഇത്തരമൊരു നേട്ടം സ്വന്തമാക്കിയത്. അവസാന മത്സരത്തിൽ ബീഹാറിനെ 169 റൺസിനും ഇന്നിംഗ്സിനും തകർത്താണ് ടീം ജയം സ്വന്തമാക്കിയത്.

കേരളം ഒന്നാം ഇന്നിംഗ്സിൽ 351 റൺസിന് ഓൾ ഔട്ട് ആയിരുന്നു. 150 റൺസെടുത്ത് തകര്‍പ്പന്‍ പ്രകടനം കാഴ്‌ചവച്ച സൽമാൻ നിസാറാണ് ടോപ് സ്കോറർ. മറുപടി ബാറ്റിംഗിനിറങ്ങിയ ബീഹാർ 64 റൺസിനു തകര്‍ന്നടിഞ്ഞ് ഫോളോ ഓൺ ചെയ്യുകയായിരുന്നു. രണ്ടാം ഇന്നിങ്സിലും 117 റൺസിന് ബീഹാറിനെ എറിഞ്ഞിട്ടതോടെ കേരളം ക്വാർട്ടറിലേക്ക് കുതിക്കുകയായിരുന്നു.

ഈ വിജയത്തോടെ കേരളം ഗ്രൂപ്പിൽ ഒന്നാം സ്ഥാനത്തെത്തി. എലൈറ്റ് ഗ്രൂപ്പ് സിയിൽ ഹരിയാന, കർണാടക, ബംഗാൾ, ഉത്തർപ്രദേശ്, മധ്യപ്രദേശ് തുടങ്ങിയവരെ പരാജയപ്പെട്ടുടുത്തി ഗ്രൂപ്പിൽ കേരളം ആധിപത്യം സ്ഥാപിക്കുകയായിരുന്ന. ഹരിയാന – കർണാടക മത്സരത്തിലെ വിജയികളായിരിക്കും ഗ്രൂപ്പിൽ നിന്നും ക്വാർട്ടറിൽ എത്തുന്ന മറ്റൊരു ടീം.

സ്കോർ: കേരളം – 351, ബിഹാർ – 64 & 118.