കാലവർഷം ആൻഡമാൻ നിക്കോബാർ ദ്വീപുകളില്‍; കേരളത്തില്‍ ചൊവ്വാഴ്ച വരെ അതിതീവ്ര മഴ; പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില്‍ റെഡ് അലര്‍ട്ട്; ഇടവപ്പാതി 31ന്

കോഴിക്കോട്: തെക്കുപടിഞ്ഞാറന്‍ കാലവർഷം (ഇടവപ്പാതി) ആൻഡമാൻ നിക്കോബാർ ദ്വീപുകളിലെത്തിയതായി കേന്ദ്ര കാലാവസ്ഥാ നിരീക്ഷണ വിഭാഗം. മേയ് 31ന് കാലവര്‍ഷം കേരളത്തിലെത്തുമെന്നാണ് കണക്കാക്കുന്നത്. ജൂലൈ 15 മുതല്‍ കാലവര്‍ഷം രാജ്യത്ത് ശക്തി പ്രാപിക്കും. ​കേര​ള​ത്തി​ൽ അ​ടു​ത്ത ഒരാഴ്ച ഇ​ടി​മി​ന്ന​ലോ​ടു കൂ​ടി​യ മ​ഴ​യ്ക്കും കാ​റ്റി​നും സാ​ധ്യ​ത​യു​ണ്ട്. ഒ​റ്റ​പ്പെ​ട്ട സ്ഥ​ല​ങ്ങ​ളി​ൽ ഇ​ന്നു​മു​ത​ൽ ചൊ​വ്വാ​ഴ്ച വ​രെ അ​തി​തീ​വ്ര​മാ​യ മ​ഴ​യ്ക്കും ഒ​റ്റ​പ്പെ​ട്ട സ്ഥ​ല​ങ്ങ​ളി​ൽ അ​തി​ശ​ക്ത​മാ​യ മ​ഴ​ക്കും സാ​ധ്യ​ത​യെ​ന്നാണ് അറിയിപ്പ്.

കേരളത്തിൽ കാലവർഷം എത്തുന്ന തീയതി കണക്കാക്കിയാണ് രാജ്യത്തെ കാലവർഷത്തിന്‍റെ പുരോഗതി നിർണയിക്കുന്നത്. ഉത്തരേന്ത്യയിൽ കടുത്ത ചൂടും ഉഷ്ണതരംഗ മുന്നറിയിപ്പും നിലനിൽക്കുന്ന സാഹചര്യത്തിൽ കാലവർഷത്തിന്‍റെ കടന്നുവരവിന് ഏറെ പ്രാധാന്യമാണുള്ളത്. അതേസമയം, കാലവർഷത്തിന് മുന്നോടിയായി സംസ്ഥാനത്ത് വരും ദിവസങ്ങളിൽ കനത്ത മഴക്കുള്ള സാധ്യതയാണ് പ്രവചിച്ചിരിക്കുന്നത്. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിൽ ഇന്ന് മുതൽ മൂന്ന് ദിവസം റെഡ് അലർട്ടാണ്.

അ​ടു​ത്ത മൂ​ന്നു മ​ണി​ക്കൂ​റി​ൽ തൃ​ശൂ​ർ, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട്, വ​യ​നാ​ട് ജി​ല്ല​ക​ളി​ൽ ഇ​ടി​മി​ന്ന​ലോ​ട് കൂ​ടി​യ മ​ഴ​യ്ക്കും മ​ണി​ക്കൂ​റി​ൽ 40 കി​ലോ​മീ​റ്റ​ർ വ​രെ വേ​ഗ​ത​യി​ൽ വീ​ശി​യേ​ക്കാ​വു​ന്ന ശ​ക്ത​മാ​യ കാ​റ്റി​നും, സാ​ധ്യ​ത​യു​ണ്ടെ​ന്നും കേ​ന്ദ്ര കാ​ലാ​വ​സ്ഥ വ​കു​പ്പ് അ​റി​യി​ച്ചു.