പിന്നാൾ ദിനത്തിൽ പിറന്നത് ചരിത്ര സെഞ്ച്വറി; മാസ്റ്റർ ബ്ലാസ്റ്റര്‍ക്കൊപ്പം കിംഗ് കോഹ്‌ലി

കൊൽക്കത്ത: തൻ്റെ മുപ്പത്തിയഞ്ചാം പിറന്നാൾ ദിനത്തിൽ ഏകദിനത്തിലെ നാൽപ്പത്തിയൊമ്പതാം സെഞ്ച്വറി കുറിച്ച് വിരാട് കോഹ്‌ലി.

121 പന്തിൽ പുറത്താകാതെ 101 റൺസാണ് ഇന്ന് ദക്ഷിണാഫ്രിക്കയ്ക്ക് എതിരെ താരം നേടിയത്. ഇതോടെ ഏകദിനത്തിൽ ഏറ്റവും കൂടുതൽ സെഞ്ച്വറി നേടിയ സച്ചിൻ തെൻഡുൽക്കറുടെ റെക്കോഡിനൊപ്പം എത്താൻ താരത്തിനായി.

452 ഇന്നിംഗ്സുകളിൽ നിന്നാണ് സച്ചിൻ ഈ നേട്ടം സ്വന്തമാക്കിയത്. വെറും 277 ഇന്നിംഗ്സുകളിൽ നിന്നാണ് കിംഗ് കോഹ്‌ലി മാസ്റ്റർ ബ്ലാസ്റ്ററുടെ റെക്കോഡിനൊപ്പമെത്തിയത്. ഈ ലോകകപ്പിലെ താരത്തിൻ്റെ നാലാം സെഞ്ച്വറിയാണിത്. മുമ്പ് രണ്ട് തവണ സെഞ്ച്വറിക്ക് അരികെ പുറത്തായ കോലി ദക്ഷിണാഫ്രിക്കയ്ക്കെതിരെ കൂടുതൽ കരുതലോടെ നിലയുറപ്പിച്ചാണ് സെഞ്ച്വറി സ്വന്തമാക്കിയത്.