സ്വർണവില ഇടിഞ്ഞു; ഇന്നത്തെ വില അറിയാം

തിരുവനന്തപുരം: സംസ്ഥാനത്ത് സ്വർണ വിലയിൽ നേരിയ ഇടിവ്. ഒരു പവന് 480 രൂപയും ഗ്രാമിന് 80 രൂപയുമാണ് ഇന്ന് കുറഞ്ഞത്. പവന് 46,000 രൂപയ്ക്കും ഗ്രാമിന് 5,750 രൂപയ്ക്കുമാണ് ഇന്ന് സ്വർണ വ്യാപാരം നടക്കുന്നത്.

ഇന്നലെ പവന് 600 രൂപ കൂടി സർവകാല റെക്കോർഡിൽ എത്തിയ ശേഷമാണ് വില ഇടിയുന്നത്. ഇന്നലെ പവന് 46,480 രൂപയ്ക്കും ഗ്രാമിന് 5810 രൂപയ്ക്കുമാണ് വ്യാപാരം നടന്നത്. ഒരു പവന് കഴിഞ്ഞ പതിനാറ് ദിവസത്തിനുള്ളിൽ 2120 രൂപയാണ് കൂടിയത്.

നവംബർ മാസത്തെ ഏറ്റവും താഴ്ന്ന വില 13-നായിരുന്നു രേഖപ്പെടുത്തിയത്. അന്ന് 44,360 ആയിരുന്നു പവന്‍റെ വില. ഒക്ടോബർ 28-നായിരുന്നു സ്വർണവില മുമ്പ് സർവകാല റെക്കോർഡിലെത്തിയത്. ഒരു ഗ്രാം സ്വർണത്തിന് 5740 രൂപയും പവന് 45920 രൂപയ്ക്കുമാണ് അന്ന് സ്വർണ വ്യാപാരം നടന്നത്.