കൊടകര കുഴൽപ്പണക്കേസിൽ പുതിയ ട്വിസ്റ്റ്; ശോഭ സുരേന്ദ്രൻ സതീഷിൻ്റെ വീട്ടിലെത്തിയ ദൃശ്യങ്ങൾ പുറത്ത്

ശോഭ സുരേന്ദ്രൻ തൻ്റെ വീട്ടിലെത്തിയ ചിത്രങ്ങൾ പുറത്തുവിട്ട്‌ കൊടകര കുഴൽപ്പണക്കേസിൽ വെളിപ്പെടുത്തലുമായി രംഗത്തെത്തിയ ബിജെപി മുൻ ഓഫീസ് സെക്രട്ടറി തിരൂർ സതീഷ്. തൻ്റെ വീട്ടിൽ എത്തിയില്ലെന്ന ബിജെപി നേതാവിൻ്റെ വാദം തെറ്റെന്ന് തെളിയിക്കുന്ന ചിത്രമാണ് പുറത്തായത്. സതീഷിന്റെ വീട്ടിൽ ഭാര്യയോടും മകനോടും ഒപ്പം ശോഭ സുരേന്ദ്രൻ നിൽക്കുന്ന ചിത്രമാണ് പുറത്തുവന്നത്. ആറുമാസങ്ങൾക്ക് മുമ്പ് വീട്ടിലെത്തിയതിന്റെ ചിത്രമാണ് പുറത്തുവിട്ടതെന്ന് സതീഷ് വ്യക്തമാക്കി.

ALSO READ: കൊടകര കുഴല്‍പ്പണത്തെക്കുറിച്ച് പറഞ്ഞാല്‍ ഗുണം കിട്ടിയേക്കും എന്ന് ശോഭ പറഞ്ഞുവെന്നു സതീഷ്‌; ഗുരുതര വെളിപ്പെടുത്തല്‍

ബിജെപി നേതാവ് ശോഭ സുരേന്ദ്രനോട് കുഴൽപ്പണവുമായി ബന്ധപ്പെട്ട കാര്യങ്ങൾ പറഞ്ഞിട്ടുണ്ടെന്നും അവരാണ് വിവരങ്ങൾ വെളിപ്പെടുത്താൻ ആവശ്യപ്പെട്ടതെന്നും തിരൂർ സതീഷ് കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു. ഒമ്പത് കോടി രൂപയാണ് പാർട്ടി ഓഫിസിൽ എത്തിച്ചതെന്നും സതീഷ് വെളിപ്പെടുത്തിയിരുന്നു.

ALSO READ: സതീഷ്‌ പിണറായി വിജയന്റെ ടൂള്‍ ആണെന്ന് ശോഭ സുരേന്ദ്രന്‍; തിരക്കഥ എകെജി സെന്‍ററിന്റെത്

സുരേന്ദ്രൻ ഒരു കോടി രൂപ തട്ടിയെടുത്തെന്ന് ധർമരാജൻ തന്നോട് പറഞ്ഞു. ശോഭാ സുരേന്ദ്രനുമായി നല്ല ബന്ധമാണുള്ളത്. തൻ്റെ വീടിന് തൊട്ടടുത്താണ് ശോഭ സുരേന്ദ്രൻ പുതിയ വീട് പണിയുന്നത്. പച്ചക്കള്ളമാണ് ശോഭ സുരേന്ദ്രൻ പറയുന്നത്. ശോഭ സുരേന്ദ്രന് സംസ്ഥാന അധ്യക്ഷ പദവിയിൽ താൽപ്പര്യമുണ്ടായിരുന്നുവെന്നും സതീഷ് വെളിപ്പെടുത്തിയിരുന്നു.

ALSO READ: കൊടകര അന്വേഷണം വരുന്നതിന്റെ വെപ്രാളത്തിലാണ് ബിജെപി എന്ന് ഗോവിന്ദന്‍, കുഴല്‍പ്പണ പ്രശ്നം വെളിയില്‍ എത്തിച്ചത് സിപിഎമ്മല്ല

സതീഷുമായി താന്‍ കൂടിക്കാഴ്ച നടത്തിയിട്ടേയില്ല എന്നായിരുന്നു ഇന്നലെ വാർത്താസമ്മേളനത്തിൽ ശോഭ അവകാശപ്പെട്ടിരുന്നത്. തിരൂർ സതീഷിനു പിന്നിൽ താനാണെന്നു വരുത്തിത്തീർക്കാൻ ശ്രമം നടക്കുകയാണെന്നും ശോഭ ആരോപിച്ചിരുന്നു. ബിജെപി മുൻ ഓഫിസ് സെക്രട്ടറിയുടെ ആരോപണങ്ങള്‍ക്ക് പിന്നില്‍ സിപിഎം ആണ്. സതീഷനെ സിപിഎം വിലയ്‌ക്കെടുത്തെന്നും ശോഭ സുരേന്ദ്രൻ പറഞ്ഞിരുന്നു.

ALSO READ: കൊടകര വെളിപ്പെടുത്തലില്‍ ശോഭാ സുരേന്ദ്രന് പങ്കില്ലെന്ന് സുരേന്ദ്രന്‍; കലഹമുണ്ടാക്കാനുള്ള യുഡിഎഫ്-എല്‍ഡിഎഫ് ശ്രമം വിജയിക്കില്ല