47 ലക്ഷത്തിന്റെ ക്രിപ്റ്റോ കറൻസി തട്ടിപ്പിൽ ഇടത് കൗൺസിലർ അറസ്റ്റിൽ; കൊടുവള്ളി മുൻസിപ്പാലിറ്റി കൗൺസിലറെ പിടികൂടിയത് ഹൈദരാബാദ് പോലീസ്

കോഴിക്കോട് : കറൻസി തട്ടിപ്പിൽ നഗരസഭ കൗൺസിലർ അറസ്റ്റിൽ . കൊടുവള്ളി മുൻസിപ്പാലിറ്റിയിലെ എൽഡിഎഫ് കൗൺസിലർ അഹമ്മദ്‌ ഉനൈസാണ് അറസ്റ്റിലായത്. ഹൈദരാബാദ് പോലീസാണ് അറസ്റ്റ് രേഖപ്പെടുത്തിയത്.

47 ലക്ഷത്തിന്‍റെ ക്രിപ്റ്റോ കറൻസി തട്ടിപ്പ് നടത്തിയെന്നാണ് കേസ്. കൊടുവള്ളി നഗരസഭ 12 ആം വാർഡ് കൗൺസിലറും നാഷണൽ സെകുലർ കോൺഫറൻസ് അംഗവുമാണ് അഹമ്മദ്‌ ഉനൈസ് . ഹൈദരാബാദ് പൊലീസിന് ലഭിച്ച പരാതിയുടെ അടിസ്ഥാനത്തിലാണ് അറസ്റ്റ്’.

ഹൈദരാബാദ് പ‍ൊലീസ് കൊടുവള്ളിയിലെത്തിയാണ് പ്രതിയെ കസ്റ്റഡിയിലെടുത്തത്. കൊടുവള്ളി പൊലീസിന്റെ സഹായത്തോടെയാണ് പ്രതിയെ അറസ്റ്റ് ചെയ്ത്. പ്രതിയെ ഹൈദരാബാദിലേക്ക് കൊണ്ടുപോയിട്ടുണ്ട്