ബീവറേജസിലെത്തി മദ്യകുപ്പി എടുത്ത ശേഷം ഷര്‍ട്ടിനടിയില്‍ തിരുകി കടന്നു; യുവാവിനായി അന്വേഷണം

കൊല്ലത്ത് ബീവറേജസ് ഔട്ട്ലെറ്റിൽ നിന്ന് മദ്യം എടുത്ത് യുവാവ് മുങ്ങി. ചാത്തന്നൂർ ബീവറേജസ് ഔട്ട്ലെറ്റിലാണ് സംഭവം. മോഷണത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.

ഷെൽഫിൽ നിന്ന് കുപ്പി എടുത്ത ശേഷം കൂളായി ഷര്‍ട്ടിനു പിന്‍വശത്ത് തിരുകിയ ശേഷമാണ് യുവാവ് പുറത്തിറങ്ങി പോകുന്നത്.

സ്റ്റോക്ക് നോക്കുന്ന സമയത്താണ് ഒരു മദ്യക്കുപ്പി മോഷണം പോയ വിവരം ജീവനക്കാർ അറിയുന്നത്. ഇതോടെയാണ് സിസിടിവി ദൃശ്യങ്ങള്‍ പരിശോധിക്കുന്നത്. മോഷ്ടാവിനെ തിരിച്ചറിഞ്ഞിട്ടില്ല. പോലീസ് അന്വേഷണം തുടങ്ങിയിട്ടുണ്ട്.