കോട്ടയത്ത് സ്വകാര്യ ബസുകള്‍ കൂട്ടിയിടിച്ചു; ബസിന് പിറകില്‍ ബൈക്കും ഇടിച്ചു

കോട്ടയം കൊടുങ്ങൂര്‍ പതിനേഴാംമൈലിൽ ബസുകൾ കൂട്ടിയിടിച്ചു. മുണ്ടക്കയം ഭാഗത്തേക്ക്‌ പോകുകയായിരുന്ന സ്വകാര്യ ബസാണ് മഴയത് തെന്നിമാറി മതിലിൽ ഇടിച്ചതിനുശേഷം കെഎസ്ആര്‍ടിസി ബസിലിടിച്ചത്.

അപകടത്തിൽ യാത്രക്കാർക്ക് ആർക്കും പരുക്കില്ല. കെഎസ്ആര്‍ടിസി ബസിന്‍റെ പിന്നിൽ ഇടിച്ച് ബൈക്ക് യാത്രക്കാരന് പരുക്കേറ്റു. അപകടത്തിന്‍റെ സിസിടിവി ദൃശ്യങ്ങളും പുറത്തുവന്നു.

കനത്ത മഴയും റോഡിലെ വഴുവഴുപ്പുമാണ് അപകടം സൃഷ്ടിച്ചത്.റോഡിൽ നിന്ന് സ്വകാര്യ ബസ് തെന്നി നീങ്ങുന്നതും ഇടിക്കുന്നതും സിസിടിവി ദൃശ്യങ്ങളിൽ വ്യക്തമാണ്.