പാര്‍ലമെന്റ് തിരഞ്ഞെടുപ്പുകളുടെ മുന്നൊരുക്കങ്ങളിലേക്ക് കടന്ന് കെപിസിസി; രാഷ്ട്രീയകാര്യ സമിതിയോഗം ഒക്ടോബര്‍ 4നും, സംയുക്ത യോഗം ഒക്ടോബര്‍ അഞ്ചിനും

തിരുവനന്തപുരം: പാര്‍ലമെന്റ് തിരഞ്ഞെടുപ്പ് മുന്നൊരുക്കങ്ങളിലേക്ക് കടക്കുന്നതിന്റെ ഭാഗമായി എംപിമാരെകൂടി പങ്കെടുപ്പിച്ചുള്ള കെപിസിസി രാഷ്ട്രീയകാര്യ സമിതിയോഗം ഒക്ടോബര്‍ 4ന് കെപിസിസി ആസ്ഥാനത്ത് നടക്കും.

കെപിസിസി ഭാരവാഹികളുടെയും ഡിസിസി പ്രസിഡന്റുമാരുടെയും പാര്‍ലമെന്റ് മണ്ഡലങ്ങളുടെ ചുമതലനല്‍കിയ നേതാക്കളുടെ സംയുക്തയോഗം അഞ്ചിനും കെപിസിസി ആസ്ഥാനത്ത് നടക്കും. ഇരുയോഗങ്ങളിലും എഐസിസി സംഘടനാ ജനറല്‍ സെക്രട്ടറി കെ.സി.വേണുഗോപാല്‍ പങ്കെടുക്കും.

സമകാലിക രാഷ്ട്രീയ വിഷയങ്ങള്‍ രാഷ്ട്രീയകാര്യ സമിതി യോഗത്തില്‍ ചര്‍ച്ചയാകുമ്പോള്‍ സംയുക്ത യോഗത്തില്‍ തിരഞ്ഞെടുപ്പ് മുന്നൊരുക്ക പ്രവര്‍ത്തനങ്ങളുമായി ബന്ധപ്പെട്ട പദ്ധതികളുടെ രൂപരേഖ കെപിസിസി പ്രസിഡന്റ് കെ.സുധാകരന്‍ എംപി വിശദീകരിക്കും.