ഓടിക്കൊണ്ടിരുന്ന ലോ ഫ്ലോര്‍ ബസിന് തീപിടിച്ചു; യാത്രക്കാരെ സുരക്ഷിതരായി പുറത്തിറക്കി

എറണാകുളം ചിറ്റൂരില്‍ ഓടിക്കൊണ്ടിരുന്ന ലോ ഫ്ലോര്‍ ബസിനു തീപിടിച്ചു. ഫയര്‍ഫോഴ്സ് എത്തിയാണ് തീ അണച്ചത്. ഷോര്‍ട്ട് സര്‍ക്യൂട്ട് ആണെന്നാണ് സംശയം.

ബസ് ജീവനക്കാരുടെ സംയമനത്തോടെയുള്ള ഇടപെടലാണ് അപകടം ഒഴിവാക്കിയത്.തൊടുപുഴയ്ക്ക് പോകുന്ന ബസാണ് തീപിടിച്ചത്.

ഇരുപതില്‍ അധികം യാത്രക്കാരുണ്ടായിരുന്നു. ആര്‍ക്കും പരിക്കില്ല. ബസ് നിന്നുകത്തുകയായിരുന്നു. ബസിന്റെ പിന്‍ഭാഗത്താണ് തീ പിടിച്ചത്. യാത്രക്കാരെ പെട്ടെന്ന് തന്നെ പുറത്തിറക്കി അപകടം ഒഴിവാക്കി.