ക്രിസ്മസ് – ന്യൂ ഇയര്‍; കൂടുതല്‍ ട്രിപ്പുകളുമായി കെഎസ്ആര്‍ടിസി; ചെന്നൈ, ബെംഗളൂരു, മൈസൂര്‍ നഗരങ്ങളിലേക്ക് 38 അധിക സര്‍വീസുകള്‍

ക്രിസ്മസ്- പുതുവത്സര സമയത്ത് കെഎസ്ആർടിസി അധിക അന്തർ സംസ്ഥാന സര്‍വീസുകള്‍ നടത്തും. കേരളത്തിൽ നിന്നും ചെന്നൈ, ബെംഗളൂരു, മൈസൂർ തുടങ്ങിയ പ്രധാന നഗരങ്ങളിലേക്ക് 38 ബസുകൾ കൂടി അധികമായി സര്‍വീസ് നടത്തും. സ്ഥിരം 48 സർവീസുകൾക്ക് പുറമേയാണിത്‌.

തിരുവനന്തപുരം – കോഴിക്കോട്-കണ്ണൂർ റൂട്ടിലും അധിക സർവീസുകൾ സജ്ജമാക്കുന്നതിനു മന്ത്രി ഗണേഷ് കുമാർ നിർദേശം നൽകി. കോഴിക്കോട് -തിരുവനന്തപുരം നാല് വോൾവോ ബസുകള്‍ , കോഴിക്കോട് – എറണാകുളം നാല് സർവിസുകളും അടക്കം എട്ട് ബസുകൾ കോഴിക്കോട് നിന്നും അധികമായി സർവീസ് നടത്തും.

നാല് മിന്നൽ, നാല് ലോഫ്ലോർ, മൂന്ന് ഡീലക്സ് 5 സൂപ്പർഫാസ്റ്റ് ബസുകൾ അടക്കം 16 ബസുകൾ തിരുവനന്തപുരം – കണ്ണൂർ , തിരുവനന്തപുരം – കോഴിക്കോട് റൂട്ടിൽ അധിക സർ‌വീസ് നടത്തും.

എറണാകുളം – കോഴിക്കോട്, അടൂർ – കോഴിക്കോട്, കൊട്ടാരക്കര – കോഴിക്കോട്, കുമിളി – കോഴിക്കോട്, എറണാകുളം – കണ്ണൂർ, എന്നിങ്ങനെ അഡീഷണൽ സർവീസുകളും കൊല്ലം, കൊട്ടാരക്കര, കോട്ടയം, തൃശൂർ, കോഴിക്കോട് തുടങ്ങി ഫാസ്റ്റ് പാസഞ്ചർ സർവീസുകളും ആവശ്യാനുസരണം ഓപ്പറേറ്റ് ചെയ്യാനും സംവിധാനം ഒരുക്കിയിട്ടുണ്ട്.