കള്ളവോട്ടിന് എത്തിയ സിപിഎം ബ്രാഞ്ച് സെക്രട്ടറിയെ പിടികൂടി; ചക്കുപള്ളത്ത് രണ്ട് ബൂത്തുകളില്‍ ബിജുവിന് വോട്ടുണ്ടെന്ന് ആരോപണം; ഇടുക്കിയില്‍ വേറെയും പരാതികള്‍

ഇടുക്കി: ചക്കുപള്ളത്ത് കള്ളവോട്ട് ചെയ്യാനെത്തിയ സിപിഎം ബ്രാഞ്ച് സെക്രട്ടറിയെ കോണ്‍ഗ്രസ് പ്രവര്‍ത്തകര്‍ തടഞ്ഞു. ആറാംമൈല്‍ സ്വദേശി ബിജുവിനെയാണ് യുഡിഎഫ് ബൂത്ത് ഏജന്റുമാര്‍ തടഞ്ഞുവെച്ചത്. 77, 80 നമ്പര്‍ ബൂത്തുകളില്‍ ബിജുവിന് വോട്ടുകള്‍ ഉണ്ടെന്നാണ് ഉയര്‍ന്ന ആരോപണം.

77-ാം നമ്പര്‍ ബൂത്തിലെത്തി വോട്ട് ചെയ്ത ശേഷം 80-ാം നമ്പര്‍ ബൂത്തില്‍ വോട്ടു ചെയ്യാനെത്തിയപ്പോഴാണ് യുഡിഎഫ് തടഞ്ഞത്. പോലീസ് ഇയാളെ അറസ്റ്റ് ചെയ്യണം എന്നാണ് യുഡിഎഫ് ആവശ്യം. ഈ ബൂത്തില്‍ വോട്ടിങ് സാധരണ നിലയിലാണ്.

അതിനിടെ വേറെയും ആരോപണങ്ങള്‍ ഇടുക്കിയില്‍ നിന്നും ഉയര്‍ന്നിട്ടുണ്ട്. കരിമണ്ണൂരില്‍ വോട്ട് ചെയ്യാനെത്തിയ രണ്ടുപേരുടെ വോട്ട് മറ്റാരോ ചെയ്തെന്നാണ് പരാതി ഉയര്‍ന്നത്. കരിമണ്ണൂര്‍ സ്വദേശികളായ ജെസി ജോസ്, ഷാജു മാത്യു എന്നിവരുടെ വോട്ടുകളാണ് മറ്റാരോ ചെയ്തത്.