പ്രിയങ്ക ഇന്ന് കേരളത്തില്‍; തിരുവനന്തപുരത്ത് റോഡ്‌ ഷോ; പ്രചാരണം മൂന്ന് സ്ഥാനാര്‍ത്ഥികള്‍ക്ക്; ചാലക്കുടിയിലും പത്തനംതിട്ടയിലും പ്രസംഗിക്കും

തൃശ്ശൂർ: യുഡിഎഫ് സ്ഥാനാര്‍ത്ഥികളുടെ തിര‍‍ഞ്ഞെടുപ്പ് പ്രചാരണത്തിനായി എഐസിസി ജനറൽ സെക്രട്ടറി പ്രിയങ്ക ഗാന്ധി ഇന്ന് കേരളത്തിലെത്തും. രാവിലെ 11.30 ന് പ്രത്യേക വിമാനത്തിൽ കൊച്ചിയിലാണ് പ്രിയങ്ക എത്തുന്നത്.

തിരുവനന്തപുരം , ചാലക്കുടി , പത്തനംതിട്ട മണ്ഡലങ്ങളിലെ സ്ഥാനാര്‍ത്ഥികള്‍ക്കായുള്ള പ്രചാരണം പ്രിയങ്ക നടത്തും.

ഹെലികോപ്റ്റർ മാർഗ്ഗം ചാലക്കുടി മണ്ഡലത്തിലെ ചേരമാൻ പറമ്പ് മൈതാനത്തെത്തി പൊതുസമ്മേളനത്തില്‍ പ്രസംഗിക്കും. ഉച്ചക്ക് 2.30 ന് പത്തനംതിട്ടയിലെ പൊതുസമ്മേളനവും നാലുമണിക്ക് തിരുവനന്തപുരത്ത് റോഡ് ഷോയുമാണ് മറ്റ് പരിപാടികള്‍. വൈകിട്ട് ഡല്‍ഹിക്ക് തിരിക്കും.