കിണറ്റിൽ വീണ കാട്ടാനയെ രക്ഷപ്പെടുത്തി; നടത്തിയത് മണിക്കൂറുകള്‍ നീണ്ട രക്ഷാപ്രവര്‍ത്തനം

മലപ്പുറം ഊർങ്ങാട്ടിരിയിൽ കിണറ്റിൽ വീണ കാട്ടാനയെ രക്ഷപ്പെടുത്തി. ജെസിബി ഉപയോഗിച്ച് കിണർ പൊളിച്ചാണ് ആനയെ രക്ഷപ്പെടുത്തിയത്. മണിക്കൂറുകള്‍ നീണ്ട രക്ഷാപ്രവര്‍ത്തനമാണ് മലപ്പുറത്ത് നടത്തിയത്.

സ്ഥലത്ത് നിരോധനാജ്ഞയും പ്രഖ്യാപിച്ചിരുന്നു. ആ​ന​യെ പ​ട​ക്കം പൊ​ട്ടി​ച്ച് ഉ​ള്‍​വ​ന​ത്തി​ലേ​ക്ക് ക​യ​റ്റാ​നു​ള്ള ശ്ര​മം തു​ട​രുന്നുണ്ട്.

ഇന്ന് പുലർച്ചെ ഒരു മണിയോടെ വെറ്റിലപ്പാറ സ്വദേശി സണ്ണിയുടെ കൃഷിയിടത്തിലെ കിണറിലാണ് ആന വീണത്. പ്രദേശത്ത് കാട്ടാനശല്യം രൂക്ഷമാണ്.

പ്രശ്നത്തിന് ശാശ്വത പരിഹാരം കാണണമെന്ന് ആവശ്യപ്പെട്ട് നാട്ടുകാർ പ്രതിഷേധവുമായി രംഗത്തുണ്ട്. ജില്ലാ കളക്ടറുടെ നേതൃത്വത്തിൽ നാളെ ചർച്ച നടത്താനും തീരുമാനിച്ചിട്ടുണ്ട്.