മലയാളി യുവതി ഫുജൈറയില്‍ കെട്ടിടത്തില്‍നിന്ന് വീണ് മരിച്ച നിലയില്‍; മൃതദേഹം കണ്ടെത്തിയത് ഇന്ന് രാവിലെ; ഭര്‍ത്താവിനെ പോലീസ് ചോദ്യം ചെയ്യുന്നു

ഫുജൈറ: തിരുവനന്തപുരം വര്‍ക്കല സ്വദേശിനി ഫുജൈറയില്‍ കെട്ടിടത്തില്‍നിന്ന് വീണ് മരിച്ച നിലയില്‍. ഷാനിഫ ബാബു (37) ആണ് മരിച്ചത്. ശനിയാഴ്ച രാവിലെയായിരുന്നു സംഭവം. ഫുജൈറ സെയ്ന്റ് മേരീസ് സ്‌കൂളിന് സമീപത്തുള്ള കെട്ടിടത്തിലെ 19-ാമത്തെ നിലയില്‍ നിന്ന് താഴേക്കുവീണ നിലയിലായിരുന്നു.

നിര്‍മാണ കമ്പനി നടത്തുന്ന സനൂജ് ബഷീര്‍കോയയുടെ ഭാര്യയാണ് ഷാനിഫ. രണ്ടു പെണ്‍കുട്ടികളുണ്ട്.

മൃതദേഹം ഫുജൈറ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. മരണത്തില്‍ ഭര്‍ത്താവിനെ പൊലീസ് ചോദ്യംചെയ്യുകയാണ്.