യുവതിയുടെ ദേഹത്തേക്ക് പെട്രോൾ ഒഴിച്ചു കത്തിച്ചു; തീ കൊളുത്തി യുവാവും മരിച്ചു

കൊല്ലം അഴീക്കലിൽ യുവതിയുടെ ദേഹത്ത് പെട്രോൾ ഒഴിച്ച് കത്തിച്ച് യുവാവ് തീകൊളുത്തി മരിച്ചു. ഗുരുതരമായി പൊള്ളലേറ്റ കോട്ടയം പാല സ്വദേശി ഷിബു ചാക്കോയാണ് മരിച്ചത്. അഴീക്കൽ സ്വദേശിനി ഷൈജാമോൾ ആശുപത്രിയിൽ ചികിത്സയിലാണ്. യുവതിക്ക് എണ്‍പത് ശതമാനം പൊള്ളലേറ്റിട്ടുണ്ട്.

രാത്രി എട്ടുമണിയോടെയാണ് സംഭവം. എന്താണ് പ്രശ്നത്തിന് കാരണമെന്ന് വ്യക്തമല്ല. ഏറെക്കാലം ഇരുവരും ഒരുമിച്ച് കഴിഞ്ഞിരുന്നുവെന്നാണ് വിവരം.

ഷൈജാമോളും കുടുംബവും താമസിക്കുന്ന വീട്ടിൽ എത്തിയാണ് ഷിബു ചാക്കോ ആക്രമണം നടത്തിയത്. വിവിധ കേസുകളിൽ പ്രതിയാണ് ഷിബു ചാക്കോ.