വീട്ടില്‍ അതിക്രമിച്ച് കയറി പെണ്‍കുട്ടിയെ പീഡിപ്പിച്ചു; രണ്ടുപേര്‍ അറസ്റ്റില്‍

തിരുവനന്തപുരം മംഗലപുരത്ത് 20 വയസുകാരിയെ വീട്ടില്‍ കയറി പീഡിപ്പിച്ചെന്ന് പരാതി. കേബിള്‍ ജോലിക്കെത്തിയ രണ്ടുപേരാണ് വീട്ടില്‍ അതിക്രമിച്ച് കയറി പീഡനം നടത്തിയത്.

വീടിന്റെ സമീപത്ത് ജോലിക്കെത്തിയ രണ്ടുപേര്‍ ചേര്‍ന്നാണ് പെണ്‍കുട്ടിയെ പീഡിപ്പിച്ചത്. ഇവരെ പോലീസ് കസ്റ്റഡിയില്‍ എടുത്തിട്ടുണ്ട്. കൊല്ലം സ്വദേശികളാണ് കസ്റ്റഡിയില്‍ ആയത് എന്നാണ് സൂചന

വായില്‍ തുണി തിരുകിക്കയറ്റിയ ശേഷമായിരുന്നു അക്രമം. നഴ്‌സിങ് വിദ്യാര്‍ഥിനിയാണ് പീഡനത്തിനിരയായത്. വീട്ടില്‍ മറ്റാരുമില്ല എന്ന് ബോധ്യപ്പെട്ടതോടെയാണ് അക്രമികള്‍ അതിക്രമിച്ച് കയറിയത്. ഒച്ച വയ്ക്കാന്‍ കഴിയാത്ത വിധമായിരുന്നു ആക്രമണം. അക്രമികളെ തള്ളിമാറ്റി പെൺകുട്ടി പുറത്തേക്ക് ഓടി അടുത്ത വീട്ടില്‍ പറഞ്ഞപ്പോഴാണ് നാട്ടുകാര്‍ സംഭവം അറിഞ്ഞത്.