മണിപ്പൂരില്‍ ഇനി കയ്യും കെട്ടി നോക്കിയിരിക്കില്ല; കലാപം അടിച്ചമര്‍ത്താന്‍ കേന്ദ്ര സര്‍ക്കാര്‍ തയ്യാറെടുക്കുന്നു
മണിപ്പൂരില്‍ കലാപം തുടരവേ കര്‍ശന നടപടികള്‍ക്ക് കേന്ദ്രസര്‍ക്കാര്‍ തയ്യാറെടുക്കുന്നതായി സൂചന. സംഘര്‍ഷത്തിനിടെ തട്ടിക്കൊണ്ടുപോയി കൊലപ്പെടുത്തിയ സ്ത്രീകളുടെയും കുട്ടികളുടെയും മൃതദേഹം കണ്ടെടുത്തതിന് ശേഷമാണ് കലാപം നിയന്ത്രണാതീതമായത്.
Also Read: മണിപ്പൂർ കൈവിട്ട നിലയിലേക്ക്… തിരഞ്ഞെടുപ്പ് പ്രചരണം റദ്ദാക്കി അമിത് ഷാ ഡൽഹിക്ക്
സ്ഥിതിഗതികൾ ആഭ്യന്തര മന്ത്രി അമിത് ഷാ വിലയിരുത്തിയിട്ടുണ്ട്. സമാധാനം ഉറപ്പാക്കാൻ സാധ്യമായ എല്ലാ നടപടികളും സ്വീകരിക്കാനാണ് അദ്ദേഹം നിര്‍ദേശം നല്‍കിയത്.
കലാപം നിയന്ത്രിക്കാന്‍ കഴിയാത്തതില്‍ പ്രതിഷേധിച്ച് സഖ്യകക്ഷിയായ നാഷണല്‍ പീപ്പിൾസ് പാ‍ർട്ടി സംസ്ഥാന സര്‍ക്കാരിനുള്ള പിന്തുണ പിന്‍വലിച്ചത്കൂടി കണക്കിലെടുത്താണ് കേന്ദ്രത്തിന്റെ തീരുമാനം. സര്‍ക്കാരില്‍ ബിജെപി കഴിഞ്ഞാൽ രണ്ടാമത്തെ വലിയ കക്ഷിയാണ് എൻപിപി.60 അംഗ മന്ത്രിസഭയിൽ ഇവര്‍ക്ക് ഏഴ് അംഗങ്ങളുണ്ട്‌.
സംസ്ഥാനത്തെ വംശീയ കലാപം നിയന്ത്രിക്കുന്നതിലും സാധാരണ നില പുനഃസ്ഥാപിക്കുന്നതിലും സര്‍ക്കാര്‍ പൂര്‍ണമായും പരാജയപ്പെട്ടുവെന്ന് ബിജെപി ദേശീയ അധ്യക്ഷൻ ജെപി നദ്ദയ്ക്ക് അയച്ച ഔദ്യോഗിക കത്തിൽ എൻപിപി വ്യക്തമാക്കിയിട്ടുണ്ട്. എന്‍പിപി പിന്തുണ പിന്‍വലിച്ചെങ്കിലും 37 അംഗങ്ങൾ ബിജെപിക്കുള്ളതിനാല്‍ തല്‍ക്കാലം സര്‍ക്കാര്‍ വീഴില്ല.
കഴിഞ്ഞ വർഷം മേയ് മുതൽ തുടങ്ങിയ കലാപത്തിന് അറുതിയുണ്ടാക്കാത്തതില്‍ പ്രതിപക്ഷം കേന്ദ്ര സര്‍ക്കാരിനെയാണ് നിരന്തരം കുറ്റപ്പെടുത്തുന്നത്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
