അതിഥി തൊ​ഴി​ലാ​ളിയുടെ മരണത്തില്‍ ജില്ലാ ആശുപത്രിയോട്‌ വിശദീകരണം തേടി; മരണം ചികിത്സാ നിഷേധത്തെ തുടര്‍ന്നെന്ന് ആരോപണം; മരിച്ചയാളെ തിരിച്ചറിഞ്ഞിട്ടില്ല

ക​ണ്ണൂ​ർ: ചി​കി​ത്സ നി​ഷേ​ധി​ച്ച​തി​നെ തു​ട​ർ​ന്ന് അതിഥി തൊ​ഴി​ലാ​ളി കു​ഴ​ഞ്ഞു​വീ​ണ് മ​രി​ച്ച സം​ഭ​വ​ത്തി​ൽ ജി​ല്ലാ ആ​ശു​പ​ത്രി സൂ​പ്ര​ണ്ടി​നോ​ട് ആ​രോ​ഗ്യ​വ​കു​പ്പ് വി​ശ​ദീ​ക​ര​ണം തേ​ടി. ആ​ശു​പ​ത്രി​യി​ൽ​നി​ന്ന് ചി​കി​ത്സ ന​ൽ​കാ​തെ പ​റ​ഞ്ഞു​വി​ട്ട​താ​ണെ​ന്നാ​ണ് ആ​രോ​പ​ണം.

അ​വ​ശ​നി​ല​യി​ൽ ക​ണ്ടെ​ത്തി​യ​തി​നെ​ത്തു​ട​ർ​ന്ന് ഇയാളെ അ​ഗ്നി​ര​ക്ഷാ​സേ​നാം​ഗ​ങ്ങളാണ് ജില്ലാ ആശുപത്രിയില്‍ എത്തിച്ചത്. പിന്നീട് തൊട്ടടുത്തുള്ള ബ​സ് കാ​ത്തി​രി​പ്പ് കേ​ന്ദ്ര​ത്തി​ൽ മ​രി​ച്ച​നി​ല​യി​ലാണ് ക​ണ്ടെ​ത്തി​യ​ത്. ഇയാളെ തി​രി​ച്ച​റി​ഞ്ഞി​ട്ടി​ല്ല. ഹി​മാ​ച​ൽ​പ്ര​ദേ​ശ് സ്വ​ദേ​ശി​യാ​ണെ​ന്നാ​ണ് സം​ശ​യി​ക്കു​ന്ന​ത്.

ഇന്നലെ രാ​വി​ലെ പ​ഴ​യ ബ​സ്‌​ സ്റ്റാ​ൻ​ഡ് പ​രി​സ​ര​ത്താ​ണ് കാ​ലി​ന് പ​ഴു​പ്പ് ബാ​ധി​ച്ച​ നി​ല​യി​ലാണ് മാ​ന​സി​കാ​സ്വ​സ്ഥ്യം പ്ര​ക​ടി​പ്പി​ച്ച യു​വാ​വി​നെ ക​ണ്ടെ​ത്തി​യ​ത്. സ​മീ​പ​ത്തു​ള്ള​വ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് ക​ണ്ണൂ​ർ ഫ​യ​ർ​സ്റ്റേ​ഷ​നി​ലു​ള്ള​വ​ർ യു​വാ​വി​നെ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. ജില്ലാ ആശുപത്രിയിലെ ഡോക്ടർമാർ പരിശോധിച്ച് വിദ​ഗ്ധ ചികിത്സയ്‌ക്കായി മെഡിക്കൽ കോളേജിലേക്ക് റഫർ ചെയ്തിരുന്നു. 108 ആംബുലൻസിൽ വിളിച്ചെങ്കിലും കൂട്ടിരിപ്പുകാരില്ലാത്തത് കാരണം രോ​ഗിയെ ആംബുലന്‍സില്‍ കയറ്റിയില്ല.

ജില്ല ആശുപത്രിയിലേക്ക് തിരികെ പോയെങ്കിലും മെഡിക്കൽ കോളേജിലേക്ക് റഫർ ചെയ്തത് ചൂണ്ടിക്കാട്ടി ഇയാളെ തടഞ്ഞു. പി​ന്നീ​ട് വൈ​കു​ന്നേ​രം യു​വാ​വി​നെ ആ​ശു​പ​ത്രി ബ​സ് സ്റ്റാ​ൻ​ഡി​നു സ​മീ​പം മ​രി​ച്ച നി​ല​യിലാണ് ക​ണ്ടെ​ത്തി​യ​ത്.