കാണാതായ ഐശ്വര്യയെ കണ്ടെത്തി; കുട്ടിയുള്ളത് തൃശൂരില്‍

കൊല്ലം ആലപ്പാട് നിന്നും കാണാതായ ഐശ്വര്യയെ കണ്ടെത്തി. തൃശൂരില്‍ നിന്നാണ് കണ്ടെത്തിയത്. കുട്ടിക്കായുള്ള അന്വേഷണം പോലീസ് തുടരുകയായിരുന്നു.

രണ്ട് ദിവസം മുന്‍പാണ് വീട്ടില്‍ നിന്നും പിണങ്ങിപ്പോയത്. കരുനാഗപ്പള്ളി റെയില്‍വേ സ്റ്റേഷനില്‍ എത്തിയതായി പോലീസിനു വിവരം ലഭിച്ചിട്ടുണ്ട്. ഇരുചക്രവാഹനത്തില്‍ കയറിയാണ് പെണ്‍കുട്ടി റെയില്‍വേ സ്റ്റേഷനില്‍ എത്തിയത്. ലിഫ്റ്റ്‌ ചോദിച്ചാണ് സ്കൂട്ടറില്‍ കയറിയത്. ഇവിടെ നിന്നുമാണ് തൃശൂരിലേക്ക് പോയത്.

ഓണ്‍ലൈന്‍ ഗെയിം കളിച്ചതിനെ തുടര്‍ന്ന് അമ്മ വഴക്ക് പറഞ്ഞിരുന്നു. ഇതിനുശേഷമാണ് കുട്ടി വീട്ടില്‍ നിന്നും ഇറങ്ങിപ്പോയത്. “ഞാന്‍ ജോലിക്ക് പോയതായിരുന്നു. പത്തരയ്ക്ക് വീട്ടിലേക്ക് വിളിച്ചു. മകള്‍ ഫോണ്‍ എടുത്തില്ല. അടുത്ത വീട്ടില്‍ വിളിച്ചപ്പോള്‍ വീട്ടില്‍ ആളില്ല. പതിനൊന്ന് മണിക്ക് ഫോണ്‍ സ്വിച്ച് ഓഫ് ആയി. പിന്നീട് ഇതുവരെ ഫോണ്‍ ഓണ്‍ ആയിട്ടില്ല. രണ്ടര ദിവസമായി എന്റെ കുഞ്ഞ് എവിടെപ്പോയി എന്നറിയില്ല. മാധ്യമങ്ങള്‍ക്ക് മുന്നില്‍ പൊട്ടിക്കരഞ്ഞു അമ്മ പറഞ്ഞു. ഈ അമ്മയ്ക്ക് ആശ്വാസകമായ വാര്‍ത്തയാണ് തൃശൂരില്‍ നിന്നും വന്നത്.

പോലീസ് അന്വേഷണം ഊര്‍ജിതമാക്കിയിരുന്നു. ബന്ധുവീടുകള്‍ ഉള്‍പ്പെടെ കുട്ടി പോകാന്‍ സാധ്യതയുള്ള ഇടങ്ങള്‍ എല്ലാം കേന്ദ്രീകരിച്ചാണ് അന്വേഷണം നടത്തിയത്.