പതിനൊന്നു വയസുള്ള മകളെ സുഹൃത്തിനെ കൊണ്ട് ലൈംഗികമായി ചൂഷണം ചെയ്യിച്ച് അമ്മ; ഞെട്ടിക്കുന്ന സംഭവം തിരുവനന്തപുരത്ത്

രക്ഷിതാക്കളുടെ വിവാഹമോചനവുമായി ബന്ധപ്പെട്ട കൗണ്‍സിലിങ്ങിലാണ് പതിനൊന്നുകാരി തനിക്കേ നേരെയുണ്ടായ ലൈംഗികാതിക്രമം വെളിപ്പെടുത്തിയത്. അമ്മയുടെ സുഹൃത്താണ് ചൂഷമം ചെയ്തത്. ഇതിന് അവസരം ഒരുക്കിയതാകട്ടെ അമ്മയും. സ്വന്തം വീട്ടില്‍ വച്ചായിരുന്നു കുട്ടിക്ക് നേരെ അതിക്രമം ഉണ്ടായത്. പിതാവ് വീട്ടില്‍ ഇല്ലാതിരുന്ന സമയത്ത് അമ്മ സുഹൃത്തിനെ വിളിച്ച് വരുത്തുകയായിരുന്നു.

അമ്മ നിര്‍ബന്ധിച്ച്് പെണ്‍കുട്ടിയെ സുഹൃത്തിനൊപ്പം ഉറങ്ങാന്‍ പറഞ്ഞുവിടുക ആയിരുന്നു. ഉറക്കത്തിനിടയിലാണ് സുഹൃത്ത് ചൂഷണം ചെയ്തത്. ഭയന്ന കുട്ടി അമ്മയോട് ഇക്കാര്യം പറയുകയും ചെയ്തു. എന്നാല്‍ അമ്മ മിണ്ടാതിരിക്കാനാണ് ആവശ്യപ്പെട്ടതെന്നും കുട്ടി വെളിപ്പെടുത്തി. ഇതോടെ കോടതി നിര്‍ദ്ദേശപ്രകാരം പോലീസ് കേസെടുത്തു.

അമ്മയുടെ സുഹൃത്താണ് കേസിലെ ഒന്നാം പ്രതി. അമ്മയെ രണ്ടാം പ്രതിയുമാക്കി. വഞ്ചിയൂര്‍ പൊലീസാണ് കേസ് രജിസ്റ്റര്‍ ചെയ്തത്. എന്നാല്‍ പരാതിയില്‍ പറയുന്ന പീഡനം നടന്നത് പോത്തന്‍കോട് പോലീസ് സ്‌റ്റേഷന്‍ പരിധിയില്‍ ആയതിനാല്‍ കേസ് അങ്ങോട്ടേക്ക് കൈമാറും.