കളമശ്ശേരി സ്ഫോടനം അതീവ ഗൗരവമെന്ന് എം.വി.ഗോവിന്ദന്‍

കൊച്ചി: കളമശ്ശേരിയിലെ സ്ഫോടനം അതീവ ഗൗരവമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ. പലസ്തീൻ ജനതയ്ക്ക് ഐക്യദാർഢ്യവുമായി കേരളം ഒന്നടങ്കം മുന്നോട്ടുപോകുമ്പോൾ ജനശ്രദ്ധ തിരിക്കാൻ കഴിയുന്ന സംഭവമാണിത്. സര്‍ക്കാര്‍ കർശനമായ നിലപാടെടുക്കുമെന്നും എം.വി.​ഗോവിന്ദൻ പറഞ്ഞു.

”ജനാധിപത്യബോധമുള്ള മനുഷ്യർ ഒറ്റക്കെട്ടായി ഈ സംഭവത്തെ അപലപിക്കണം. രാഷ്ട്രീയമായി പരിശോധിച്ചാൽ ഈ സംഭവം ഭീകരാക്രമണമെന്ന് പറയേണ്ടിവരും. ഗൗരവകരമായ പരിശോധന നടത്തണം. ആസൂത്രിതമാണെന്ന് പറയാനായിട്ടില്ല. മുൻവിധിയോടെ വിഷയത്തെ സമീപിക്കേണ്ടതില്ല. എന്താണ് സംഭവമെന്ന് അന്വേഷിക്കട്ടെ”യെന്നും ഗോവിന്ദൻ പറഞ്ഞു.