നവകേരള സദസ് ഇന്ന് സമാപിക്കും; കരിങ്കൊടി പ്രതിഷേധം തുടരുന്നു

കൊച്ചി : വിവാദങ്ങളും പ്രതിഷേധ കൊടുങ്കാറ്റുകളുമുണ്ടാക്കിയ നവകേരള സദസ് ഇന്ന് സമാപിക്കും. എറണാകുളം ജില്ലയിലെ കുന്നത്തുനാട്, തൃപ്പൂണിത്തുറ മണ്ഡലങ്ങളിലാണ് മുഖ്യമന്തിയും മന്ത്രിമാരും ഇന്നെത്തുക.

കാനം രാജേന്ദ്രന്‍റെ നിര്യാണത്തെത്തുടർന്ന് മാറ്റിവെച്ച മണ്ഡലങ്ങളിലാണ് നവകേരള സദസ് ഇന്നലെയും ഇന്നുമായി തുടരുന്നത്. വൈകിട്ട് 3 നും അഞ്ചിനുമാണ് പൊതുയോഗങ്ങൾ നടക്കുന്നത്.

തൃക്കാക്കര, പിറവം മണ്ഡലങ്ങളിലായാണ് ഇന്നലത്തെ നവകേരള സദസ് നടന്നത്. പ്രതിഷേധങ്ങളിൽ നിന്ന് പിന്നോട്ടില്ലെന്ന നിലപാടിലാണ് കോൺഗ്രസ്. ഇന്നലെയും പാലാരിവട്ടത്ത് പ്രതിഷേധമുണ്ടാകുകയും പ്രവര്‍ത്തകര്‍ക്ക് ജാമ്യം ലഭിക്കാന്‍ കോണ്‍ഗ്രസ് പോലീസ് സ്റ്റേഷന്‍ ഉപരോധിക്കുകയും ചെയ്തു.