നീറ്റ് കോച്ചിംഗിനെത്തിയ പ്രായപൂർത്തിയാവാത്ത പെൺകുട്ടിയെ ബലാത്സംഗം ചെയ്തു; അധ്യാപകരെ കുടുക്കിയത് മറ്റൊരു പീഡനക്കേസിൻ്റെ വീഡിയോ

നീറ്റ് മെഡിക്കൽ പ്രവേശന പരീക്ഷയ്ക്ക് തയ്യാറെടുക്കാൻ പരിശീല ക്ലാസിൽ ചേർന്ന പ്രായപൂർത്തിയാവാത്ത പെൺകുട്ടിയെ അധ്യാപകർ ബലാത്സംഗം ചെയ്തു. ബയോളജി അധ്യാപകനായ സാഹിൽ സിദ്ദിഖി (32), രസതന്ത്ര അധ്യാപകനായ വികാസ് പോർവാൾ (39) എന്നിവരെ പോലീസ് അറസ്റ്റു ചെയ്തു

2022 ൽ കാൺപൂരിൽ വച്ചാണ് പീഡനം നടന്നത്. ഭയം കാരണം പെൺകുട്ടി വിവരം പുറത്തു പറഞ്ഞിരുന്നില്ല. മാസങ്ങൾക്ക് മറ്റൊരു വിദ്യാർത്ഥിയെ പീഡിപ്പിച്ചതുമായി ബന്ധപ്പെട്ട ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. ഇതാണ് പരാതി നൽകാൻ വിദ്യാർത്ഥിനിക്ക് ധൈര്യം നൽകിയതെന്ന് പോലീസ് പറഞ്ഞു.

2022 ലെ പരീക്ഷയ്ക്ക് തയ്യാറെടുക്കുന്നതിനായിട്ടായിരുന്നു വിദ്യാർത്ഥി കാൺപൂരിലെ കോച്ചിംഗ് സെൻ്ററിൽ ചേർന്നത്. എല്ലാ വിദ്യാർത്ഥികൾക്കും ഒപ്പമുള്ള പാർട്ടിക്ക് എന്ന പേരിൽ സാഹിൽ സിദ്ദിഖി പെൺകുട്ടിയെ തൻ്റെ വീട്ടിലേക്ക് ക്ഷണിക്കുക ആയിരുന്നു. ഒറ്റയ്ക്ക് വീട്ടിലെത്തിയെ പെൺകുട്ടിയെ അധ്യാപകൻ ബലാത്സംഗം ചെയ്യുകയും ദൃശ്യങ്ങൾ പകർത്തുകയും ചെയ്യുകയായിരുന്നു. വീഡിയോ പരസ്യമാക്കുമെന്നും തൻ്റെ കുടുംബത്തെ കൊല്ലുമെന്നും സിദ്ദിഖി ഭീഷണിപ്പെടുത്ത മറ്റ് പല അവസരങ്ങളിലും തന്നെ പീഡിപ്പിച്ചതായും പെൺകുട്ടി പോലീസിനോട് പറഞ്ഞു.

സിദ്ദിഖിയുടെ വീട്ടിൽ നടന്ന ഒരു പാർട്ടിക്കിടയിലാണ് മറ്റൊരു വികാസും ബലാത്സംഗം ചെയ്യുന്നത്. മാതാപിതാക്കളെ കാണാൻ വീട്ടിലേക്ക് പോയിരുന്ന പെൺകുട്ടിയെ വിളിച്ചു വരുത്തിയായിരുന്നു പീഡനം. മറ്റൊരു വിദ്യാർത്ഥിയെ സിദ്ദിഖി ലൈംഗികമായി പീഡിപ്പിച്ചെന്ന് ആരോപിക്കുന്ന വീഡിയോ അടുത്തിടെ വൈറലായിരുന്നു. ഈ കേസിൽ ജാമ്യം ലഭിച്ച് പുറങ്ങിയപ്പോഴാണ് സിദ്ദിഖി വീണ്ടും അറസ്റ്റിലായത്.