നെഹ്‌റു ട്രോഫി വള്ളംകളി ഓണത്തിന് നടത്തിയേക്കും; പ്രതിഷേധം കനക്കുമ്പോള്‍ സര്‍ക്കാരിനു മനംമാറ്റം

വയനാട് ദുരന്തത്തിന്റെ പശ്ചാത്തലത്തില്‍ നെഹ്‌റു ട്രോഫി വള്ളംകളി മാറ്റി വയ്ക്കാനുള്ള തീരുമാനത്തിനെതിരെ പ്രതിഷേധം കനക്കുമ്പോള്‍ സര്‍ക്കാരിനു മനംമാറ്റം. വ​ള്ളം​ക​ളി ഓണത്തോട് അനുബന്ധിച്ച് നടത്താനാണ് സര്‍ക്കാര്‍ തീരുമാനം. അതിനനുസരിച്ചുള്ള പ്രതികരണമാണ് കോട്ടയത്ത് മന്ത്രി വി.എന്‍.വാസവന്‍ നടത്തിയത്. നെ​ഹ്റു ട്രോ​ഫി വ​ള്ളം​ക​ളി നാ​ടി​ന്‍റെ വി​കാ​ര​മാ​ണ്. ഓണത്തിന് നടത്തുന്നത് സജീവ പരിഗണനയിലാണെന്നാണ് മ​ന്ത്രിപറഞ്ഞത്.

വള്ളംകളിക്ക് ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ സ​ർ​ക്കാ​ർ ഉ​റ​പ്പാ​ക്കും. ഓ​ണ​ത്തോ​ട​നു​ബ​ന്ധി​ച്ച് വ​ള്ളം​ക​ളി ന​ട​ത്ത​ണ​മെ​ന്ന് ജ​ലോ​ത്സ​വ പ്രേ​മി​ക​ളും, ക്ല​ബു​കളും ആ​വ​ശ്യ​പ്പെ​ട്ടി​ട്ടു​ണ്ടെ​ന്നും മ​ന്ത്രി പ​റ​ഞ്ഞു. എല്ലാവർഷവും ഓഗസ്റ്റ് രണ്ടാം വാരത്തിലാണ് സാധാരണയായി നെഹ്റു ട്രോഫി നടത്തുന്നത്. വ​യ​നാ​ട് ദു​ര​ന്തം കാരണമാണ് ഇക്കുറി മാ​റ്റി​വ​ച്ച​ത്. കോഴിക്കോട് ബേപ്പൂർ വാട്ടർ ഫെസ്റ്റിന് അനുവാദം നല്‍കുകയും നെഹ്‌റുട്രോഫി വള്ളംകളിക്ക് അനുമതി നിഷേധിക്കുകയും ചെയ്തതോടെയാണ് പ്രതിഷേധം ഉയര്‍ന്നത്. സര്‍ക്കാരിന് ഇരട്ടത്താപ്പെന്ന ആക്ഷേപം വന്നു. ഇതോടെയാണ് മുന്‍ തീരുമാനത്തില്‍ മാറ്റം വന്നത്.

വള്ളംകളി നടത്തുന്നതിനെപ്പറ്റി സർക്കാർ ആലോചിച്ചിട്ടില്ലെന്നു മുഖ്യമന്ത്രി പറഞ്ഞിരുന്നു. വള്ളംകളിക്ക് സർക്കാർ നല്‍കുന്ന സഹായം ഇക്കുറി ലഭിക്കില്ലെന്നു മന്ത്രി മുഹമ്മദ് റിയാസും പറഞ്ഞിരുന്നു. ഇതിനെതിരെ വ്യാപക പ്രതിഷേധം ഉയര്‍ന്നിരുന്നു. ഇതോടെയാണ് പ്രതികരണവുമായി മന്ത്രി മുഹമ്മദ് റിയാസ് രംഗത്തുവന്നത്.

നെ​ഹ്‌​റു ട്രോ​ഫി വള്ളംകളി ഇക്കുറി ഇല്ലെന്ന തീരുമാനം സര്‍ക്കാര്‍ എടുത്തിട്ടില്ലെന്നാണ് മന്ത്രി മുഹമ്മദ് റിയാസ് പറഞ്ഞത്. വ​ള്ളം​ക​ളിക്ക് എ​ല്ലാ​വി​ധ സ​ഹ​ക​ര​ണ​ങ്ങ​ളും ടൂ​റി​സം വ​കു​പ്പ് ന​ൽ​കും. ഒ​രു​കോ​ടി രൂ​പ​യാ​ണ് സാ​മ്പ​ത്തി​ക സ​ഹാ​യ​മാ​യി ടൂ​റി​സം വ​കു​പ്പ് ന​ൽ​കു​ന്ന​തെ​ന്നും മന്ത്രി അ​റി​യി​ച്ചു.നെ​ഹ്റു ട്രോ​ഫി വ​ള്ളം​ക​ളി റ​ദ്ദാ​ക്ക​രു​തെ​ന്ന് ആ​വ​ശ്യ​പ്പെ​ട്ട് നേ​ര​ത്തെ എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി.വേ​ണു​ഗോ​പാ​ൽ ആവശ്യപ്പെട്ടിരുന്നു. ഇ​ത് സം​ബ​ന്ധി​ച്ച് അ​ദ്ദേ​ഹം മു​ഖ്യ​മ​ന്ത്രി പി​ണ​റാ​യി വി​ജ​യ​ന് ക​ത്ത​യ​ച്ചി​രു​ന്നു.

നെഹ്‌റുട്രോഫിയില്‍ 19 ചുണ്ടൻവള്ളങ്ങളടക്കം ആകെ 75 ഓളം വള്ളങ്ങളാണ് പങ്കെടുക്കുന്നത്. വള്ളംകളി മാറ്റിവെച്ചാല്‍ 50 ലക്ഷത്തിലേറെയാണ് ഓരോ ക്ലബ്ബിനുമുണ്ടാകുന്ന നഷ്ടം. ഒരു കോടിയാണ് നെഹ്റു ട്രോഫിക്കായി സർക്കാർ നൽകുന്ന തുക. ബാക്കി തുക സ്പോൺസർഷിപ്പിലൂടെയാണ് കണ്ടെത്തുന്നത്. വയനാട് ദുരന്തം മുന്നില്‍ നില്‍ക്കുന്നതിനാല്‍ വള്ളംകളി പ്രശ്നത്തില്‍ തീരുമാനം സര്‍ക്കാരിന് വിടുകയാണ് ജില്ലാ ഭരണകൂടം ചെയ്തത്. മുൻപ് വെള്ളപ്പൊക്കത്തെ തുടർന്ന് 2018-ലും 2019-ലും നെഹ്റു ട്രോഫി വള്ളം കളി മാറ്റി വെച്ചിരുന്നു. കോവിഡ് സമയത്തും നടത്തിയിട്ടില്ല.