‘എല്ലാത്തിനും കാരണം മുടി നീട്ടി വളര്‍ത്തിയ ഒരു സ്ത്രീ’; ചെന്താമരയെ കൊണ്ട് കൊല നടത്തിച്ചത് ജ്യോതിഷിയുടെ കവിടി നിരത്തല്‍

പാലക്കാട് നെന്മാറയില്‍ ഒരു കുടുംബത്തിലെ മൂന്നു പേരെ വെട്ടിക്കൊലപ്പെടുത്തുന്നതിലേക്ക് എത്തിച്ചത് ഒരു ജ്യോതിഷിയുടെ പ്രവചനം. പ്രതിയായ ചെന്താമര കുടുംബ പ്രശ്‌നങ്ങള്‍ക്ക് പരിഹാരം കാണാനാണ് വര്‍ഷങ്ങള്‍ക്ക് മുമ്പ് ഒരു ജ്യോതിഷിയെ കണ്ടത്. കവിടി നിരത്തി ഈ ജ്യോതിഷിയാണ് വീടിന് സമീപത്തുളള മുടി നീട്ടി വളർത്തിയ ഒരു സ്ത്രീയാണ് കുടംബത്തിലെ പ്രശ്‌നങ്ങള്‍ക്ക് കാരണമെന്ന് പ്രവചിച്ചു. ഇത് വിശ്വസിച്ചാണ് ചെന്താമര ഈ ക്രൂരതകളെല്ലാം കാട്ടിയത്.

ചെന്താമര മര്‍ദ്ധിക്കുമ്പോള്‍ ഭാര്യ സ്ഥിരമായി അഭയം തേടിയുന്നത് അയല്‍വാസിയായ സുധാകരന്റെ വീട്ടിലായിരുന്നു. സുധാകരന്റെ ഭാര്യ സജിതയുടെ മുടി നീട്ടി വളര്‍ത്തിയിരിക്കുന്നതു കൂടി പരിഗണിച്ചാണ് അവരെ ചെന്താമര അഞ്ച് വര്‍ഷം മുമ്പ് വെട്ടിക്കൊന്നത്. എന്നാല്‍ അവിടേയും വൈരാഗ്യം തീര്‍ന്നില്ല. അതോടെയാണ് കുടുംബത്തെ ഒന്നടങ്കം ഇല്ലാതാക്കാന്‍ ചെന്താമര ഇറങ്ങിപ്പുറപ്പെട്ടത്.

ആദ്യം കൊന്ന സജിതയെ മാത്രമല്ല, വീടിന് സമീപത്തുള്ള മുടി നീട്ടി വളര്‍ത്തിയ മറ്റ് സ്ത്രീകളേയും ചെന്താമര സംശയിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തിരുന്നു. വീടിന് പുറത്തിറങ്ങാന്‍ പോലും ഭയന്ന് അവസ്ഥയിലാണ് സമീപത്തുളഅള സ്ത്രീകളുള്ളത്. ഇക്കാര്യങ്ങള്‍ എല്ലാം ചൂണ്ടികാട്ടിയാണ് പോലീസില്‍ പരാതി നല്‍കിയത്. എന്നാല്‍ പോലീസ് ഒന്നും ചെയ്യാതെ ഇരുന്ന് പോലീസും ഈ കൊലക്ക് മറുപടി പറയേണ്ടി വരും.