പോലീസിനെ ഞെട്ടിച്ച് ചെന്താമരയുടെ ഫോണ്‍; പക്ഷേ അന്വേഷണം കാട്ടിലും തമിഴ്നാട്ടിലും!! പുതിയ ട്വിസ്റ്റ്

നെന്മാറ ഇരട്ടക്കൊലപാത കേസിലെ പ്രതി ചെന്താമരയെ ഒന്നര ദിവസം കഴിഞ്ഞിട്ടും പിടികൂടാനാകാതെ പോലീസ് നട്ടം തിരിയുന്നു. കൃത്യത്തിന് ശേഷം ശേഷം പ്രതി ഒളിച്ചിക്കാൻ സാധ്യതയുള്ള കാടുകളിലും പോകാൻ സാധ്യതയുള്ള തമിഴ്നാട്ടിലെ തിരുപ്പൂരിലും തിരച്ചിൽ തുടരുന്നതിനിടയിൽ പ്രതിയുടെ ഫോണുകളിൽ ഒന്നിൻ്റെ സിഗ്നൽ കോഴിക്കോട് കാണിച്ചത് പോലീസിനെ ആശയക്കുഴപ്പത്തില്‍ ആക്കിയിരിക്കുകയാണ്.

പാല​ക്കാട് ടൗണിൽ പ്രതിയെ കണ്ടെന്നതിന്റെ അടിസ്ഥാനത്തിൽ അവിടെയും അന്വേഷണം പുരോഗമിക്കുന്നതിന് ഇടയിലാണ് കേസിൽ ഇങ്ങനെയൊരു വഴിത്തിരിവുണ്ടായിരിക്കുന്നത്. തിരുവമ്പാടിയിലാണ് പ്രതിയുടെ ഫോണിൻ്റെ ലൊക്കേഷൻ കാണിച്ചിരിക്കുന്നത്ത്. പിന്നീട് ആ ഫോൺ ഓഫാകുകയായിരുന്നു. തുടർന്ന് ചെന്താമരക്കായി കോഴിക്കോട് ജില്ലയിലും പോലീസ് അന്വേഷണം ശക്തമാക്കിയിരിക്കുകയാണ്.

ഇന്നലെ രാവിലെ രാ​വി​ലെ ഒമ്പതരക്കാണ് പോ​ത്തു​ണ്ടി തി​രു​ത്ത​മ്പാ​ടം ബോ​യ​ൻ ന​ഗ​റി​ൽ അ​പ്പാ​യി​യു​ടെ ഭാ​ര്യ ല​ക്ഷ്മി​യെ​യും (76) മ​ക​ൻ സു​ധാ​ക​ര​നെ​യും (58) ചെ​ന്താ​മ​ര കൊ​ല​പ്പെ​ടു​ത്തി​യ​ത്‌. കൊ​ല​പാ​ത​ക സ​മ​യ​ത്ത് അ​യ​ൽ​പ​ക്ക​ത്ത് മ​റ്റാ​രു​മു​ണ്ടാ​യി​രു​ന്നി​ല്ല. അ​തു​വ​ഴി വ​ന്ന നാ​ട്ടു​കാ​രാ​ണ് ര​ക്ത​ത്തി​ൽ കു​ളി​ച്ചു​കി​ട​ക്കു​ന്ന​വ​രെ ക​ണ്ട​ത്. ല​ക്ഷ്മി​യെ ഉ​ട​ൻ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. സു​ധാ​ക​ര​ൻ ത​ൽ​ക്ഷ​ണം മ​രി​ച്ചി​രു​ന്നു. കൊ​ല​പാ​ത​കം ക​ഴി​ഞ്ഞ് ചെ​ന്താ​മ​ര വീ​ടി​ന​ക​ത്ത് ക​യ​റി വെ​ട്ടാ​നു​പ​യോ​ഗി​ച്ച വാ​ൾ മു​റി​ക്ക​ക​ത്തു​വെ​ച്ച് മു​ൻ​വ​​ശ​ത്തെ വാ​തി​ല​ട​ച്ച​ശേ​ഷം പി​ന്നി​ലെ വാ​തി​ലി​ലൂ​ടെ ര​ക്ഷ​പ്പെ​ട്ടി​രു​ന്നു.

2019ൽ സുധാകരന്‍റെ ഭാര്യ സജിതയെ കൊലപ്പെടുത്തി ജയിലിൽ പോയ ചെന്താമര അടുത്തിടെയാണ് ജാമ്യത്തിലിറങ്ങിയത്. അന്ന് കൊലക്ക് ശേഷം പ്രതി ഒളിച്ചിരുന്ന സ്ഥലങ്ങൾ കേന്ദ്രീകരിച്ചാണ് പ്രധാനമായും തിരച്ചിൽ നടത്തുന്നത്. വനത്തിനുള്ളിലെ അരക്കമലയിലെ ഒരു ഗുഹയിൽ നിന്നാണ് അന്ന് പ്രതിയെ പിടികൂടിയത്. നെല്ലിയാമ്പതി കാടും മലയും കേന്ദ്രീകരിച്ചാണ് ഇപ്പോഴും അന്വേഷണം നടക്കുന്നത്.