ഇടുക്കിയിൽ ഒമ്പതാം ക്ലാസുകാരി പ്രസവിച്ചു; പതിനാലുകാരൻ അറസ്റ്റിൽ

ഇടുക്കിയിൽ വയറുവേദനയെ തുടർന്ന് ആശുപത്രിയിൽ എത്തിച്ച ഒമ്പതാം ക്ലാസുകാരി പ്രസവിച്ചു. ബന്ധുവായ പതിനാലുകാരനില്‍ നിന്നാണ് കുട്ടി ഗര്‍ഭം ധരിച്ചത്. ആണ്‍കുട്ടിക്കെതിരെ പോക്സോ നിയമപ്രകാരം പ്രകാരം കേസെടുത്തു.

പ്രതിയെ കോടതിയില്‍ ഹാജരാക്കിയ ശേഷം ജുവനൈല്‍ ഹോമിലേക്ക് മാറ്റുമെന്ന് പോലീസ് അറിയിച്ചു. ഇരയുടെ അച്ഛനും അമ്മയും നേരത്തേ ബന്ധം വേര്‍പിരിഞ്ഞിരുന്നു. അച്ഛനൊപ്പമായിരുന്നു പെണ്‍കുട്ടിയുടെ താമസം.

സ്‌കൂള്‍ അവധി സമയത്ത് പെണ്‍കുട്ടി അമ്മയുടെ വീട്ടില്‍ പോയി താമസിച്ചിരുന്നു. ഈ വീടിന് സമീപത്താണ് അറസ്റ്റിലായ ആൺകുട്ടിയുടെ വീട്. അവിടെവച്ചാണ് പീഡനത്തിന് ഇരയായത് എന്നാണ് പെൺകുട്ടി പോലീസിന് നൽകിയിരിക്കുന്ന മൊഴി.