സോപ്പുപെട്ടിയില്‍ ഒളിപ്പിച്ച് ലഹരിക്കടത്തിന് ശ്രമം; ഒരു കോടിയിലധികം വിലയുള്ള ഹെറോയിന്‍ പിടികൂടി; ലഹരിവേട്ട പാലക്കാട് റെയില്‍വേ സ്റ്റേഷനില്‍

പാലക്കാട്: ട്രെയിനില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ ബാഗില്‍നിന്നും ലഹരിവസ്തുക്കള്‍ പിടികൂടി. 166 ഗ്രാം ഹെറോയിനാണ് പിടികൂടിയത്. ഇതിന് ഏകദേശം ഒരു കോടി 20 ലക്ഷം രൂപ വിലയുണ്ട്.

പാറ്റ്ന- എറണാകുളം എക്സ്പ്രസിലെ ജനറല്‍ കമ്പാര്‍ട്ട്മെന്റില്‍ നിന്നാണ് ബാഗ് കണ്ടെത്തിയത്. ബാഗിനകത്തെ സോപ്പ് പെട്ടിയിലാണ് ഹെറോയിന്‍ അടങ്ങിയ പാക്കറ്റുകള്‍ സൂക്ഷിച്ചിരുന്നത്. 16 സോപ്പ് പെട്ടികളാണ്‌ ബാഗില്‍ ഉണ്ടായിരുന്നത്. എക്സൈസും ആര്‍പിഎഫും സംയുക്തമായി നടത്തിയ പരിശോധനയിലാണ് വന്‍ ലഹരിക്കടത്ത് പിടികൂടിയത്.