ഓൺലൈൻ ഗെയിം; രണ്‍ബീര്‍ കപൂറിന് ഇഡി നോട്ടീസ്

മുംബൈ: ബോളിവുഡ് നടന്‍ രണ്‍ബീര്‍ കപൂറിന് എന്‍ഫോഴ്‌സ്‌മെന്റ് ഡയറക്ടറേറ്റിന്റെ നോട്ടീസ്. മഹാദേവ് ഓൺലൈൻ ബുക്ക് ബെറ്റിംഗ് ആപ്ലിക്കേഷൻ എന്ന ​ഗെയിമിങ് ആപ്പ് കേസുമായി ബന്ധപ്പെട്ടാണ് അന്വേഷണ ഏജൻസി രൺബീറിന് സമൻസ് അയച്ചിരിക്കുന്നത്. വെള്ളിയാഴ്ച ഹാജരാകാനാണ് നിര്‍ദേശം.
കഴിഞ്ഞ മാസമാണ് ഇ.ഡി മഹാദേവ് ഓൺലൈൻ ബെറ്റിങ് കേസുമായി ബന്ധപ്പെട്ട് 417 കോടി രൂപ മൂല്യമുള്ള വസ്തുവകകൾ പിടിച്ചെടുത്തത്.

ഈ ആപ്പിന്റെ പ്രമോഷൻ പ്രവർത്തനങ്ങൾ നടത്തുന്നതിന് രൺബീർ കപൂറിന് പ്രതിഫലം ലഭിച്ചതായാണ് റിപ്പോർട്ട്. ഇഡി അന്വേഷണവുമായി ബന്ധപ്പെട്ട് മറ്റ് ചില പ്രമുഖ ബോളിവുഡ് നടന്മാരെയും ഗായകരെയും അന്വേഷണ ഏജന്‍സി വിളിച്ചുവരുത്തിയേക്കും. ഈ വര്‍ഷം ഫെബ്രുവരിയില്‍ യുഎഇയില്‍ നടന്ന മഹാദേവ് ബുക്ക് ആപ്പ് പ്രൊമോട്ടറായ സൗരഭ് ചന്ദ്രക്കറിന്റെ വിവാഹ ചടങ്ങില്‍ പ്രമുഖ അഭിനേതാക്കളും ഗായകരും പങ്കെടുത്തിരുന്നു.