പാക്കിസ്ഥാനിൽ ചാവേറാക്രമണം; 10 സൈനികര്‍ കൊല്ലപ്പെട്ടു

പാക്കിസ്ഥാനിൽ ചാവേറാക്രമണത്തിൽ 10 സൈനികർ കൊല്ലപ്പെട്ടു. വടക്കു പടിഞ്ഞാറൻ പാക്കിസ്ഥാനിലാണ് സംഭവം. സ്ഫോടകവസ്തു നിറച്ച വാഹനവുമായെത്തിയ ചാവേറാണ് പൊട്ടിത്തെറിച്ചത്.

7 സൈനികർക്ക് പരുക്കേറ്റു. മാലിഖേൽ ചെക്ക്‌പോസ്റ്റിന് മുന്നിലാണ് ആക്രമണം. ഹാഫിസ് ഗുൽ ബഹാദൂർ സായുധ സംഘം ആക്രമണത്തിന്റെ ഉത്തരവാദിത്തം ഏറ്റെടുത്തു.

തിങ്കളാഴ്‌ച നടന്ന പോരാട്ടത്തില്‍ 8 സൈനികർ കൊല്ലപ്പെട്ടിരുന്നു. ഏറ്റുമുട്ടലിൽ ഒന്‍പത് ഭീകരരെ വധിച്ചു.