ഇസ്മയിലിനെതിരെ കടുത്ത നടപടി വേണമെന്ന് പാ​ല​ക്കാ​ട് ഘടകം; തുടര്‍ച്ചയായി നടത്തുന്നത് പാര്‍ട്ടി വിരുദ്ധ പ്രസ്താവനകള്‍

മുതിര്‍ന്ന സിപിഐ നേതാവ് കെ.​ഇ.ഇസ്മയിലി​നെ​തി​രേ പാ​ല​ക്കാ​ട് ജി​ല്ലാ കൗ​ൺ​സി​ൽ. അദ്ദേഹത്തിനെതിരെ നടപടി വേണം എന്നാണ് പാ​ല​ക്കാ​ട് ജി​ല്ലാ കൗ​ൺ​സി​ൽ ആവശ്യപ്പെട്ടത്. ഇസ്മയിലി​ന്‍റെ പ്ര​വ​ർ​ത്തി​ക​ൾ മൂ​ലം പാ​ർ​ട്ടി​യി​ൽ സൗ​ഹൃ​ദാ​ന്ത​രീ​ക്ഷം ത​ക​ർ​ന്നു. അദ്ദേഹം വിമതരെ സഹായിക്കുന്നുവെന്നും പാ​ർ​ട്ടി വി​രു​ദ്ധ പ്ര​സ്താ​വ​ന​ക​ൾ ന​ട​ത്തു​ന്നുവെന്നും കൗണ്‍സില്‍ ആരോപിച്ചു.

ഇസ്മയിലി​നെ ജി​ല്ലാ കൗ​ൺ​സി​ലി​ലെ പ്ര​ത്യേ​ക ക്ഷ​ണി​താ​വ് സ്ഥാ​ന​ത്തു​നി​ന്ന് മാ​റ്റ​ണ​മെ​ന്നും ആ​വ​ശ്യ​പ്പെ​ട്ടിട്ടുണ്ട്. അ​ന്തി​മ തീ​രു​മാ​നം എടുക്കേണ്ടത് സം​സ്ഥാ​ന ക​മ്മി​റ്റിയാണ്. ഉടന്‍ പ്രതികരണത്തിനില്ലെന്ന നിലപാടിലാണ് ഇസ്മയി​ല്‍.

പാലക്കാട്ടെ സിപിഐ വിമതർ സേവ് സിപിഐ ഫോറം എന്ന പേരില്‍ സംഘടന സ്ഥാപിച്ച് രംഗത്തുവന്നിരുന്നു. പലകാരണങ്ങളാൽ പാർട്ടിയിൽ നിന്നും നടപടി നേരിട്ടവരെല്ലാം ഈ സംഘടനയുടെ ഭാഗമാണ്. ജില്ലാ നേതൃത്വത്തിനെതിരെ ശക്തമായ വിമർശനമാണ് പുതിയ സംഘടന ഉയർത്തുന്നത്. സിപിഐ ജില്ലാ നേതൃത്വം അഴിമതിയിൽ മുങ്ങിക്കുളിച്ചിരിക്കുകയാണെന്നാണ് ഇവരുടെ കുറ്റപ്പെടുത്തല്‍.

വിമതപ്രശ്നത്തില്‍ ഇവരെ ന്യായീകരിച്ചുകൊണ്ട് ഇസ്മയില്‍ രംഗത്തുവന്നിരുന്നു. വിമതരുടെ ആരോപണങ്ങള്‍ക്ക് അടിസ്ഥാനമുണ്ട്. ആരോപണങ്ങള്‍ പാര്‍ട്ടി നേതൃത്വം പരിശോധിക്കണം എന്നാണ് ഇ​സ്മ​യില്‍ ആവശ്യപ്പെട്ടത്. ഇത് ജില്ലാ നേതൃത്വത്തെ ചൊടിപ്പിച്ചിരുന്നു.