വോട്ട് ചോദിക്കുന്നത് യുഡിഎഫിനും കൈപ്പത്തിക്കും വേണ്ടി എന്ന് മുരളീധരന്‍, രാഹുലിന്റെ പ്രചാരണ വേദിയില്‍ എത്തി
അഭിപ്രായവ്യത്യാസം മറന്ന് കെ.മുരളീധരന്‍ പാലക്കാട്ട് രാഹുല്‍ മാങ്കൂട്ടത്തിലിന്റെ തിരഞ്ഞെടുപ്പ് പ്രചാരണത്തിന് എത്തി. ഷാള്‍ അണിയിച്ചാണ് രാഹുല്‍ സ്വീകരിച്ചത്.
വോട്ട് ചോദിക്കുന്നത് യുഡിഎഫിനും കൈപ്പത്തിക്കും വേണ്ടിയാണെന്നും വ്യക്തിക്ക് വേണ്ടിയല്ലെന്നും മുരളീധരന്‍ പറഞ്ഞു.
“സ്ഥാനാര്‍ത്ഥിയെ എഐസിസി പ്രഖ്യാപിച്ചാല്‍ പിന്നെ ആര്‍ക്കും എതിരഭിപ്രായമുണ്ടാകില്ല. പാലക്കാട്ട് യുഡിഎഫ് വിജയം ഉറപ്പാണ്. യുഡിഎഫും എൽഡിഎഫും തമ്മിലാണ് പോരാട്ടം.” മുരളീധരന്‍ പറഞ്ഞു.
പ്രസംഗത്തിനിടെയാണ് രാഹുല്‍ എത്തിയത്. മുരളിധരൻ വരുമോ എന്ന് ചോദിച്ചുവർക്കുള്ള മറുപടിയാണിതെന്ന് രാഹുൽ പറഞ്ഞു.
പാലക്കാട് മുരളീധരന്‍ എത്താത്തത് രാഷ്ട്രീയ ചര്‍ച്ചയായിരുന്നു. കോണ്‍ഗ്രസ് ആവശ്യപ്പെട്ടാല്‍ എത്തുമെന്നാണ് അദ്ദേഹം അറിയിച്ചത്. മുരളി എത്താത്തത് വിവാദമായതോടെ നേതാക്കള്‍ ബന്ധപ്പെട്ടാണ് അദ്ദേഹത്തെ പ്രചാരണത്തിന് എത്തിച്ചത്. മുരളീധരന്‍ സ്ഥാനാര്‍ത്ഥി ആകണം എന്നാവശ്യപ്പെട്ട് ഡിസിസി നേതൃത്വം എഐസിസിക്ക് എഴുതിയ കത്ത് പുറത്തായതും പാലക്കാട്ടെ തിരഞ്ഞെടുപ്പ് പ്രചാരണത്തില്‍ വിഷയമായിരുന്നു.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
