ഇരട്ടക്കൊലക്കേസ് പ്രതി ചെന്താമര ഒളിവില്‍ തന്നെ; പോലീസ് വീഴ്ചയിലും അന്വേഷണം

പാ​ല​ക്കാ​ട് നെ​ന്മാ​റ ഇ​ര​ട്ട​ക്കൊ​ല​പാ​ത​ക​ കേസിലെ പ്രതി ചെന്താമര ഒളിവില്‍ തുടരവേ പോലീസ് വീഴ്ചയിലും അന്വേഷണം. ചെന്താമര ജാ​മ്യ​വ്യ​വ​സ്ഥ ലം​ഘി​ച്ച​ത് കോ​ട​തി​യെ അ​റി​യി​ക്കു​ന്ന​തി​ല്‍ പോ​ലീ​സി​ന് വീ​ഴ്ച പ​റ്റി​ എന്ന ആരോപണത്തിലാണ് അന്വേഷണം നടക്കുന്നത്. ​ഈ കാര്യത്തില്‍ പാ​ല​ക്കാ​ട് എ​സ്പി ഇ​ന്ന് ത​ന്നെ റി​പ്പോ​ര്‍​ട്ട് ന​ല്‍​ക​ണ​മെ​ന്ന് ക്ര​മ​സ​മാ​ധാ​ന ചു​മ​ത​ല​യു​ള്ള എ​ഡി​ജി​പി മ​നോ​ജ് എ​ബ്ര​ഹാം നിര്‍ദേശം നല്‍കിയിട്ടുണ്ട്.

ചെന്താമര നെ​ന്മാ​റ പ​ഞ്ചാ​യ​ത്തി​ന്‍റെ പ​രി​ധി​യി​ല്‍ പ്ര​വേ​ശി​ക്ക​രു​തെന്ന് ജാ​മ്യ​വ്യ​വ​സ്ഥയുണ്ട്. ഇത് ലംഘിച്ച് ചെന്താമര വീട്ടില്‍ തുടരുന്ന കാര്യം പോലീസിനെ അറിയിച്ചിട്ടും നടപടി ഉണ്ടായിട്ടില്ലെന്ന് കൊല്ലപ്പെട്ട സുധാകരന്റെ മകള്‍ അഖില ആരോപിച്ചിരുന്നു. “ഭീഷണിയുണ്ടെന്ന് കാണിച്ച് അച്ഛനും ഞാനും കൂടെ ഡിസംബർ 29ന് പൊലീസിൽ പരാതി നൽകിയിരുന്നു. പക്ഷേ, അവർ കാര്യമായി എടുത്തില്ല. ചെന്താമര സ്ഥിരമായി ഭീഷണിപ്പെടുത്തിയിരുന്നു. പ്രതിയെ പൊലീസ് വിളിച്ചുവരുത്തിയപ്പോൾ ഞാൻ ഇനി ഒന്നും ചെയ്യില്ല എന്നാണ് പറഞ്ഞത്.” അഖില പറഞ്ഞിരുന്നു.

Also Read: നെന്മാറയിലെ സൈക്കോയെ കണ്ടെത്താനായില്ല; ചെന്താമരയെ അന്വേഷിച്ച് മുങ്ങല്‍ വിദഗ്ദ്ധരും എത്തും; എന്തിനും തയാറായി നാട്ടുകാരും

ആദ്യം അഖിലയുടെ അമ്മ സജിതയെയാണ് ചെന്താമര വെട്ടിക്കൊന്നത്. കേ​സി​ൽ അ​ടു​ത്ത മാ​സം വി​ചാ​ര​ണ തു​ട​ങ്ങാ​നി​രി​ക്കേയാണ് ചെ​ന്താ​മ​ര വി​യ്യൂ​ർ ജ​യി​ലി​ൽ നി​ന്ന് ഇ​ട​ക്കാ​ല ജാ​മ്യ​ത്തി​ൽ ഇ​റ​ങ്ങി​യ​ത്. ഇതിനുശേഷമാണ് സജിതയുടെ ഭര്‍ത്താവ് സുധാകരനെയും അമ്മയെയും വെട്ടിക്കൊന്നത്.

ചെന്താമര സംശയരോഗിയായിരുന്നു. ചെന്താമരയുടെ ഈ സംശയമാണ് അഞ്ച് വർഷം മുമ്പ് സുധാകരന്റെ ഭാര്യ സജിതയുടെ കൊലപാതകത്തിന് പിന്നിൽ. ചെന്താമരയുടെ ഭാര്യയും കുട്ടികളും വേറെയാണ് താമസം. ഭാര്യയും മക്കളും വേര്‍പിരിയാന്‍ കാരണം സജിതയാണെന്നായിരുന്നു ചെന്താമരയുടെ സംശയം. ഇതാണ് സജിതയുടെ കൊലപാതകത്തില്‍ കലാശിച്ചത്. പക മാറാതെ ഭര്‍ത്താവിനെയും അമ്മയെയും വെട്ടിക്കൊല്ലുകയും ചെയ്തു.

ചെന്താമരയെ കണ്ടെത്താന്‍ അന്വേഷണം ഊർജിതമാക്കിയിട്ടുണ്ട്. ആലത്തൂർ ഡിവൈഎസ്പിയുടെ നേതൃത്വത്തിൽ ഏഴുപേരടങ്ങുന്ന 4 ടീമുകളാണ് പരിശോധന നടത്തുന്നത്. കൊലപാതക ശേഷം പ്രതി കഴിഞ്ഞിരുന്ന പോത്തുണ്ടി, നെല്ലിയാമ്പതി മലയടിവാരങ്ങളിലും തിരച്ചിൽ വ്യാപിപ്പിക്കും.