നീല ട്രോളി ബാഗുമായി ഫെനി പാലക്കാട് ഹോട്ടലില്‍; ദൃശ്യങ്ങള്‍ സിപിഎം പുറത്തുവിട്ടു
പാലക്കാട് ഹോട്ടലില്‍ ഫെനി നീല ട്രോളി ബാഗുമായി വരുന്ന ദൃശ്യങ്ങള്‍ സിപിഎം പുറത്തുവിട്ടു. ബാഗുമായി ഫെനി ഹോട്ടലില്‍ എത്തുന്നതും ഒരു മുറിയിലേക്ക് പോകുന്നതുമായ ദൃശ്യങ്ങളാണ് പുറത്തുവിട്ടത്. രാഹുല്‍ മാങ്കൂട്ടത്തിലിന്റെ വിശ്വസ്തനാണ് ഫെനി.
രാഹുല്‍ മാങ്കൂട്ടത്തിലും ഷാഫി പറമ്പിലും ദൃശ്യങ്ങളിലുണ്ട്. ഫെനിയുടെ കയ്യിലുള്ള ഈ ബാഗില്‍ പാലക്കാട് തിരഞ്ഞെടുപ്പിന് കോണ്‍ഗ്രസ് എത്തിച്ച കുഴല്‍പ്പണം ആണ് എന്നാണ് സിപിഎം ആരോപണം. പാലക്കാട് ഉപതിരഞ്ഞെടുപ്പുമായി ബന്ധപ്പെട്ട് കോണ്‍ഗ്രസ് വനിതാ നേതാക്കള്‍ താമസിച്ച ഹോട്ടലില്‍ ഇന്നലെ പോലീസ് നടത്തിയ പാതിരാറെയ്ഡ് വിവാദമായി തുടരുമ്പോഴാണ് സിസിടിവി ദൃശ്യങ്ങള്‍ പുറത്തു വന്നത്.
എന്നാല്‍ ബാഗുമായി ഫെനി എത്തിയത് കോണ്‍ഗ്രസ് നിഷേധിച്ചിട്ടില്ല. ഈ ബാഗില്‍ വസ്ത്രങ്ങളാണ് എന്നാണ് രാഹുല്‍ മാങ്കൂട്ടത്തില്‍ വാര്‍ത്താസമ്മേളനം നടത്തി വ്യക്തമാക്കിയത്.
കള്ളപ്പണം കൊണ്ടുവന്നെന്നു സിപിഎം ആരോപിച്ച നീല ബാഗ് പ്രദര്‍ശിപ്പിച്ചാണ് പാലക്കാട്ടെ യുഡിഎഫ് സ്ഥാനാര്‍ത്ഥിയായ രാഹുല്‍ മാങ്കൂട്ടത്തില്‍ വാര്‍ത്താസമ്മേളനം നടത്തിയത്.
Also Read: യുഡിഎഫ് എസ്പി ഓഫീസ് മാര്‍ച്ചില്‍ സംഘര്‍ഷം; പാലക്കാട്ടെ പോലീസ് റെയ്ഡിനെതിരെ വന്‍ പ്രതിഷേധം
“ബാഗില്‍ വസ്ത്രങ്ങളായിരുന്നു. ഹോട്ടലിലെ സിസിടിവി ദൃശ്യങ്ങള്‍ പുറത്തുവിടണം. ഞാന്‍ മുന്‍ ഭാഗത്ത് കൂടിയാണ് ഹോട്ടലില്‍ വന്നത്. പോയതും മുന്‍ ഭാഗത്തുകൂടിയാണ്. അങ്ങനെയല്ല എങ്കില്‍ താന്‍ പ്രചാരണം നിര്‍ത്തും. ബാക്കി ജനങ്ങള്‍ നോക്കട്ടെ. ഹോട്ടലില്‍ പോകുന്നത് തക്കാളിപ്പെട്ടിയുമായാണോ പോകുന്നത്. പെട്ടിയുമായിട്ടല്ലാതെ പിന്നെ എങ്ങനെയാണ്. പോലീസ് റെയ്ഡ് നടത്തിയ വിവാദമായ കെപിഎം ഹോട്ടല്‍ ഇടതുമുന്നണി സ്ഥാനാര്‍ത്ഥിയുടെതാണ്.” രാഹുല്‍ പറഞ്ഞു
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
