പാർലമെന്റ് സമ്മേളനം സെപ്റ്റംബർ 18 ന് തുടങ്ങും

ന്യൂഡല്‍ഹി: പാര്‍ലമെന്റിന്റെ പ്രത്യേക സമ്മേളനം അടുത്തമാസം 18 ന് തുടങ്ങും. അഞ്ചുദിവങ്ങളിലേക്ക് മാത്രമുള്ള ഹൃസ്വസമ്മേളനമാണ്. 17-ാമത് ലോക്‌സഭയുടെ 13-ാമത് സമ്മേളനമാണ് ഈ ദിവസങ്ങളിലായി ചേരുന്നത്.

ലോക്സഭാ തിരഞ്ഞെടുപ്പ് നേരത്തേയാക്കുമെന്ന ചർച്ചകൾ സജീവമാകുന്നതിനിടെയാണ് പ്രത്യേക സമ്മേളനം വിളിച്ചുചേർക്കാൻ കേന്ദ്ര സർക്കാർ തീരുമാനിച്ചിരിക്കുന്നത്. സമ്മേളനത്തിന്റെ അജൻഡയെന്താണെന്ന കാര്യത്തിൽ വ്യക്തതയില്ല. പുതിയ പാര്‍ലമെന്റ് മന്ദിരത്തിലാകും സമ്മേളനം നടക്കുക.