ഇന്ന് രാത്രി 8 മുതല്‍ രാവിലെ 6 വരെ പമ്പുകൾ തുറക്കില്ല; പുതുവര്‍ഷം ആഘോഷിക്കുന്നവര്‍ മറക്കാതിരിക്കുക

തിരുവനന്തപുരം: പുതുവര്‍ഷത്തിന്റെ വരവ് ആഘോഷിക്കാന്‍ ഒരുങ്ങുന്നവര്‍ ഈ കാര്യം ശ്രദ്ധിക്കുക. ഇന്നു രാത്രി 8 മുതൽ നാളെ രാവിലെ 6 വരെ സ്വകാര്യ പമ്പുകൾ തുറക്കില്ല. പമ്പുകൾക്കു നേരെ തുടർച്ചയായുണ്ടാകുന്ന ആക്രമണങ്ങൾ തടയണമെന്നത് അടക്കമുള്ള ആവശ്യങ്ങൾ ഉന്നയിച്ച് ഓൾ‌ കേരള ഫെഡറേഷൻ ഓഫ് പെട്രോളിയം ട്രേഡേഴ്സാണു സമരം പ്രഖ്യാപിച്ചത്. എന്നാല്‍ കെഎസ്ആർടിസിയുടെ യാത്രാ ഫ്യൂവൽസ് 24 മണിക്കൂറും പ്രവർത്തിക്കും.

തിരുവനന്തപുരം ഈസ്റ്റ് ഫോർട്ട്‌, വികാസ്ഭവൻ, കിളിമാനൂർ, ചടയമംഗലം, പൊൻകുന്നം, ചേർത്തല, മാവേലിക്കര, മൂന്നാർ, മൂവാറ്റുപുഴ, പറവൂർ, ചാലക്കുടി, തൃശൂർ, ഗുരുവായൂർ, കോഴിക്കോട് എന്നിവിടങ്ങളിലെ യാത്രാ ഫ്യൂവൽസ് ഔട്‌ലെറ്റുകളിൽ പൊതുജനങ്ങൾക്ക് ഇന്ധനം നിറയ്ക്കാമെന്നു കെഎസ്ആർടിസി അറിയിച്ചിട്ടുണ്ട്.